O clarinetista Vincent Alberola colaborará coa Filharmónica Cidade de Pontevedra no seu próximo concerto
Por Redacción
O recoñecido clarinetista internacional Vicent Alberola será o protagonista do próximo concerto do ciclo PonteClásica. Será o encargado de dirixir o Concerto Sinfónico que a Orquestra Filharmónica Cidade de Pontevedra ofrecerá o vindeiro mércores 19 de febreiro ás 21:00 horas no Pazo da Cultura. Nel participará tamén como solista convidado o intérprete de trompa Héctor Escudero Aguilar.
Cunha carreira que iniciou grazas o seu avó cando só tiña 9 anos, Vicent Alberola realizou os seus estudos de clarinete no Conservatorio Superior de Música de Valencia e no Royal Conservatoire de Antwerpen. Froito da súa formación e o seu incansable afán por acadar novas metas, conta cunha prolífica carreira como solista e colaborou nas mellores orquestras do mundo. Foi ademais Clarinete Principal da Orquestra Sinfónica de Galicia durante 12 anos.
O clarinetista, na actualidade Clarinete Principal da Orquesta Sinfónica de Madrid e da Orquesta Dissonances de París, reúne todas as cualidades que converten a un gran músico nun director excepcional. O Teatro Real e a ÿpera de Perm foron algúns dos escenarios onde se posicionou coma un dos directores novos con máis futuro do panorama internacional.
As entradas para o concerto xa están á venda anticipada en www.servinova.com a un prezo de 10 euros (gastos incluídos) e 8 euros para estudantes, parados e xubilados. No caso de non esgotarse, estarán dispoñibles o mesmo día da actuación dúas horas antes na billeteira do Pazo.
Relacionadas:
-
O prestixioso clarinetista Vicent Alberola dirixe a Orquestra Filharmónica Cidade de Pontevedra
Por Redacción |
-
A Real Filharmonía de Galicia volve a Pontevedra con Brett Dean, Mozart e Beethoven
Por Redacción | Creada e actualizada
-
A Orquesta Sinfónica de Galicia volve a Pontevedra cun concerto coa violinista Leticia Moreno
Por Redacción |