A Real Filharmonía de Galicia volve a Pontevedra con Brett Dean, Mozart e Beethoven
Por Redacción
Creada e actualizada
Creada e actualizada
A Real Filharmonía de Galicia regresa a Pontevedra este venres 7 de febreiro para ofrecer un concerto no auditorio do Centro Social Novacaixagalicia baixo a dirección de Paul Daniel.
A actuación está prevista para as 20.30 horas e enmárcase nas actividades froito do convenio de colaboración asinado pola Fundación Novacaixagalicia, a Sociedade Filharmónica de Pontevedra e o Consorcio da Cidade de Santiago.
A agrupación sinfónica compostelá ofrecerá o seguinte programa: Música para orquestra sobre Testament, de Brett Dean; Concerto para piano nº 20 de Mozart; e Sinfonía n.º 3 Heroica, de Beethoven. O pianista alemán Christopher Park interpretará como solista a peza de Mozart.
Os socios da Sociedade Filharmónica de Pontevedra terán acceso de balde á sala, pero terán que retirar entrada previamente. Poderán facelo no local da Sociedade (Rúa Tetuán 2, baixo), o mércores 5 e o xoves 6, de 17.00 a 20.00 horas, ou o mesmo día do concerto no vestíbulo do auditorio, a partir das 19.30 horas.
As persoas alleas á sociedade xa teñen as entradas á venda en www.servinova.com ou no teléfono 902 504 500.
Relacionadas:
-
O clarinetista Vincent Alberola colaborará coa Filharmónica Cidade de Pontevedra no seu próximo concerto
Por Redacción |
-
A Real Filharmonía de Galicia asina un acordo de colaboración coa Sociedade Filharmónica pontevedresa
Por Redacción |
-
Concerto da Real Filharmonía de Galicia con pezas de Mozart e Gade
Por Redacción |
-
Novacaixagalicia presenta a Real Filharmonía de Galicia en Pontevedra baixo a batuta de Paul Daniel
Por Redacción |