Volve o Caldelas Tapas Quentes
Por Redacción
As noites de venres do mes de decembro volverán estar do máis animado na hostalería de Ponte Caldelas. O Concello volve poñer en marcha o concurso gastronómico Caldelas Tapas Quentes, que chega coa participación de 13 establecementos, un máis que ano pasado, e cunha oferta máis que apetitosa.
As noites dos venres 1, 8, 15, 22 e 29 de decembro seguirán a ofrecerse tapas ao prezo único de 2,50 euros, incluíndo unha bebida básica, é dicir, sen primeiras marcas.
O establecemento gañador do concurso sairá da decisión xa tomada polo xurado composto por Rubén González (Cafetín de Pontevedra) e Sergio Orge (ata o de agora cociñeiro tamén do Cafetín, pero que vén de emprender unha nova aventura gastronómica con sede en Barro). A cata do xurado profesional xa se realizou e o fallo está depositado en sobre lacrado que se abrirá ao remate do concurso nun acto público.
O goberno local decidiu o ano pasado desdobrar o concurso de tapas de verán cunha edición de nadal como fórmula de apoio constante á hostelería. A resposta dos empresarios foi entusiasta e este ano crece a participación, incorporando á práctica totalidade dos locais.
Relacionadas:
-
"Gastarei o vale nunha cea cos amigos"
Por Redacción |
-
A vieira da cervexaría Alameda triunfa no Caldelas Tapas Quentes
Por Redacción |
-
Uvas anticipadas e unha gran festa de Noitevella en Ponte Caldelas
Por Redacción |
-
O Concello de Ponte Caldelas estima en 25.000 euros os beneficios do concurso de tapas
Por Redacción |
-
Volven as noites de venres do Caldelas Tapas
Por Redacción |
-
Fame de tapas en Ponte Caldelas
Por Redacción |