O Concello de Ponte Caldelas estima en 25.000 euros os beneficios do concurso de tapas
Por Redacción
Durante todas as noites de venres do mes de xullo celebrouse o Caldelas Tapas, un certame gastronómico que acadou nesta edición a cifra de máis de 10.000 tapas vendidas, superando as 6.000 do pasado ano. Os locais que participaron neste evento chegaron a superar un mínimo de cen tapas cada noite, segundo os datos facilitados polo Concello de Ponte Caldelas.
O impacto económico ascende a máis de 25.000 euros, atendendo só ás tapas vendidas.
Nesta ocasión, a tapa gañadora foi a "brocheta" de solombo ao aroma de vermú con puré de pataca violeta do Asador del Chavo. O alcalde Andrés Díaz abría este martes o sobre no que figuraba o nome do gañador. Ademais, o xurado decidiu outorgar unha mención especial para o establecemento Alalá, pola tapa "Nenos de mar". O local gañador serviu ao redor de 1.200 tapas nos catro venres durante os que se celebrou o concurso.
O xurado estaba formado polos cociñeiros Pepe Solla, estrela Michelín, e Rubén González xunto a Sergio Orge de El Cafetín, de Pontevedra. Eles foron os encargados de degustar as 16 tapas presentadas durante o mes de xullo.
Segundo os representantes de hostalería, a tendencia é que durante o primeiro venres do certame o público se centre nos establecementos do centro de Ponte Caldelas mentres que a partir do segundo trasládase a zonas máis afastadas.
Relacionadas:
-
A vieira da cervexaría Alameda triunfa no Caldelas Tapas Quentes
Por Redacción |
-
Volve o Caldelas Tapas Quentes
Por Redacción |
-
Volven as noites de venres do Caldelas Tapas
Por Redacción |
-
Fame de tapas en Ponte Caldelas
Por Redacción |
-
Dezaseis locais de hostalería participarán nunha nova edición de Caldelas Tapas
Por Redacción |