Morre atropelado en Covelo un ciclista de Pontevedra
Un ciclista de 36 anos de idade, veciño de Pontevedra, faleceu este domingo tras ser atropelado por un turismo na estrada PO-308, á altura de Covelo (Poio).
Segundo informou o 112 Galicia, o accidente produciuse ás dúas e cuarto da tarde no quilómetro 8 desta estrada, que une Pontevedra e Sanxenxo. Foi nas inmediacións do establecemento Alimentación Covelo
A vítima, que ía acompañado doutra persoa, foi arroiada polo coche que conducía un home de 82 anos que, confirma a Garda Civil de Tráfico, realizou un xiro incorrecto e levou por diante aos ciclistas.
Tanto o turismo como os ciclistas circulaban pola PO-308 en dirección a Pontevedra. O coche adiantáralles instantes antes e, pouco despois, realizou un cambio de sentido nunha zona que non está habilitada para iso. Foi durante ese xiro de 180 graos cando lles atropelou.
O falecido quedou baixo o vehículo. Nun primeiro momento, os servizos sanitarios trataron de reanimalo na ambulancia, pero morreu pouco despois. O outro ciclista atropelado tivo máis sorte e tan só sufriu feridas leves.
Ao lugar do accidente trasladáronse varias patrullas da Garda Civil de Tráfico, dúas ambulancias do 061 e efectivos de Emerxencias de Sanxenxo, entre outros corpos de emerxencia.
A circulación na estrada, moi transitada este domingo debido ao bo tempo, estivo interrompida durante máis dun cuarto de hora, o que provocou importantes retencións.
Este é o segundo accidente mortal que se produce nas estradas da provincia de Pontevedra desde que este venres comezase a operación saída de Semana Santa.
Un motorista de 56 anos falecía este sábado en Cerdedo tras perder o control da súa moto e saír da estrada nunha curva, chocando contra a varanda da N-541 entre Pontevedra e Ourense
Relacionadas:
-
Este domingo terá lugar a "pedalada" por Pontevedra
Por Oskar Viéitez |
-
Ángel Moldes cre que o bipartito de Poio "ten que pedir perdón a moita xente" en relación coa PO-308
Por Redacción |
-
161 condutores deron positivo en alcol e 6 en drogas durante a Semana Santa
Por Oskar Viéitez |
-
No día mundial da bicicleta, o ciclismo en Pontevedra está de loito
Por Oskar Viéitez & Mónica Patxot |
-
Poio ofrécese á Xunta a pagar as expropiacións que permitan mellorar a seguridade viaria en Raxó e Covelo
Por Diego Espiño |
-
O PP tilda de "falsas, desafortunadas e fóra de lugar" as críticas de Chelo Besada sobre a PO-308
Por Redacción |
-
"A Xunta ten unha débeda histórica con Poio e os seus intereses, desgraciadamente, páganse con mortos"
Por Oskar Viéitez |
-
Investigan por homicidio imprudente o autor do atropelo a un ciclista en Poio e piden revisar o seu psicotécnico
Por Natalia Puga | Creada e actualizada
-
Os ciclistas recordan que "levamos anos" denunciando o perigo da PO-308 e foron "ignorados"
Por Redacción |
-
Morre un motorista de 56 anos tras saír da estrada en Cerdedo
Por Redacción |