Morre un motorista de 56 anos tras saír da estrada en Cerdedo
Por Redacción
Un home de 56 anos, veciño de Ourense, faleceu este sábado en Cerdedo tras saír da estrada na N-541.
O accidente, segundo confirmaron fontes do operativo de emerxencias, produciuse pouco despois das cinco da tarde no quilómetro 65 desta estrada.
O motorista, por causas que aínda se investigan, saíu da estrada nunha curva e bateu contra un quitamedos.
A vítima era a única persoa que viaxaba na moto no momento do accidente.
Ao lugar do sinistro desprazouse un helicóptero de rescate do 061, unha ambulancia medicalizada e efectivos da Garda Civil de Tráfico e de Protección Civil.