Postemirón e A Graña reclaman a urxente tramitación do Plan Xeral para legalizar as súas casas
Por Oskar Viéitez
A asociación veciñal de Postemirón- A Graña, Sagrado Corazón, solicitou os grupos políticos municipais que adquiran o "compromiso firme", de traballar activamente para facilitar e axilizar a tramitación do PXOM do concello de Vilaboa.
Ducias de viviendas destes núcleos de poboación de Vilaboa están a día de hoxe fora de ordenación. Os veciños decidiron en asamblea realizar esta solicitude ante a "situación de emerxencia" que varias familias da veciñanza están a vivir, "afogadas por multas, embargos de nóminas e prestacións de desemprego, solicitude de penas de cárcere pola fiscalía, ordes de precinto... isto sumado á incerteza de demasiadas familias de que a súa casa, o piar e recurso básico que teñen, poda seguir en pé", sinalaron.
Algunhas desas situacións tan dramáticas vívense en Postemirón e A Graña pero son extrapolables a moitos outros lugares do municipio.
Os veciños consideran que entre os diferentes grupos municipais, "ningún obstaculizou activamente o proceso de realización e aprobación deste plan", pero, ante a situación descrita, "polo ben da veciñanza, pensamos que é o momento de dar un paso máis alá" e trasladar a súa problemática ás "estruturas supramunicipais" de cada partido, "tentando mobilizar todos os recursos e contactos posibles" para que, finalmente e, "na maior brevidade posible", o concello de Vilaboa poda contar definitivamente con un PXOM.
Relacionadas:
-
A Xunta rexeita o PXOM de Vilaboa e trasládalle as deficiencias que debe corrixir
Por Redacción |
-
Os afectados polo PXOM de Vilaboa esixen ao Concello e á Xunta "que non demoren máis a tramitación"
Por Oskar Viéitez |
-
Fiscalía pide a demolición dunha vivenda en Vilaboa e penas de prisión e multa para os seus propietarios
Por Redacción |
-
Chaman aos veciños de Vilaboa a que traian as súas potas, bombos, chifres,... "e que nos escoiten nos xulgados"
Por Redacción |
-
Técnicos autonómicos asesorarán ao Concello de Vilaboa na regularización dos núcleos costeiros
Por Redacción |
-
Os socialistas cualifican como "grave tomadura de pelo" a situación legal dos núcleos do litoral
Por Oskar Viéitez |
-
O PP acusa a socialista Carmen Gallego de "facer demagoxia" cos problemas urbanísticos de Vilaboa
Por Oskar Viéitez |
-
O PP rexeita no Parlamento a paralización do derrubo de vivendas esixida polo seu grupo municipal en Vilaboa
Por Oskar Viéitez |