Fiscalía pide a demolición dunha vivenda en Vilaboa e penas de prisión e multa para os seus propietarios
Por Redacción
Lourdes Pérez e José Luis Argibay son un matrimonio de Vilaboa que están pendentes de que o Xulgado do Penal número 1 de Pontevedra dite sentenza. Mentres tanto teñen unha orde de embargo do 30 por cento sobre os seus ingresos como forma de aval.
A Fiscalía pide para eles unha condena de ano e medio de prisión por delito urbanístico e 14.000 euros de multa.
O seu delito foi construír unha vivenda sen licenza en Postemirón incumprindo a normativa urbanística. O representante do Ministerio Público tamén pide a derriba desta casa.
Este martes celebrouse o xuízo na Parda e ata alí acudiron numeros veciños para apoiar a esta familia.
O avogado de Lourdes e José Luis esgrimiu como defensa que a causa está prescrita e subliñou que a vivenda poderá ser legalizada cando se aprobe o novo Plan Xeral de Vilaboa, algo que corroborou o propio goberno local.
O letrado solicitou, por tanto, a libre absolución, unha petición que conta co respaldo da corporación local expresado en sesión plenaria.
Relacionadas:
-
A Xunta recoñece que non cometeu ningún delito a veciña de Vilaboa á que acusaba de construír a súa casa ilegalmente
Por Oskar Viéitez |
-
Chaman aos veciños de Vilaboa a que traian as súas potas, bombos, chifres,... "e que nos escoiten nos xulgados"
Por Redacción |
-
Postemirón e A Graña reclaman a urxente tramitación do Plan Xeral para legalizar as súas casas
Por Oskar Viéitez |
-
O PP rexeita no Parlamento a paralización do derrubo de vivendas esixida polo seu grupo municipal en Vilaboa
Por Oskar Viéitez |
-
Os veciños de Postemirón claman contra o desafiuzamento dunha familia
Por Oskar Viéitez & Mónica Patxot |