As praias de Sanxenxo estarán vixiadas dende xuño a setembro por 52 socorristas e sanitarios
Por Redacción
Un total de 52 socorristas e sanitarios conformarán o próximo verán o servizo de vixilancia en praias do Concello de Sanxenxo. Así o confirmou o concelleiro de Seguridade Cidadá e Persoal, Salvador Durán, quen explicou que "nesta campaña estival apostamos por prolongar o servizo para dar cobertura aos nosos veciños e visitantes en caso de que á tempada de sol sexa máis longa".
Por este motivo, segundo afirmou Salvador Durán, o persoal desta área incorporarase aos areais ao longo da segunda quincena de xuño e desenvolverán o seu labor ata a primeira metade do mes de setembro.
"ÿ imprescindible que o municipio que ostenta o maior número de Banderas Azuis ofreza unha atención de calidade como así vimos facendo todos estes anos e nesta ocasión reorganizamos o servizo para poder estendelo ao mes anterior e posterior a época de forte afluencia de usuarios", apuntou o tenente de alcalde.
Para iso, o Executivo sanxenxino xa abriu o proceso de selección do persoal de forma que os interesados en optar a un destes postos terán de prazo ata o 5 de maio, incluído, para entregar as instancias no rexistro xeral da Casa Consistorial, en horario de 9.00 a 14 horas, e aboar 7,73 euros para participar neste procedemento, pagamento do que estarán exentas aquelas persoas que presenten a tarxeta de demandante de emprego.
Relacionadas:
-
Os concellos recollen as súas bandeiras azuis
Por Redacción |
-
Sanxenxo suma o maior número de praias con bandeira azul, Marín logra unha cuarta para O Santo
Por Oskar Viéitez |
-
Sanxenxo selecciona os seus 'Mitch Buchannon'
Por Diego Espiño |
-
Un total de 160 persoas optan aos 17 postos de operarios de reforzo estival de limpeza de praias
Por Redacción |
-
Sanxenxo reforzará a limpeza das praias en verán coa contratación de 17 operarios
Por Redacción |
-
Sanxenxo tramita ante Costas a instalación dos servizos de tempada en dez praias do municipio
Por Redacción |
-
Para poder chegar a tempo Vilagarcía acaba de solicitar 16 socorristas para a tempada de verán
Por Redacción |