O subdelegado do Goberno reprocha veladamente a Ana Pastor o seu "ton crítico" coa A-57
Por Redacción
Creada e actualizada
Creada e actualizada
Dentro da política de portas abertas que mantén desde a súa chegada ao cargo, o novo subdelegado do Goberno en Pontevedra, Abel Losada, mantivo este martes unha xuntanza coa plataforma veciñal de Bora e Xeve que se opón á construción da segunda fase da autovía A-57.
Losada escoitou as demandas deste colectivo, que critican o impacto da autovía nas súas parroquias, e comprometeuse a mediar e trasladar estas demandas ao Goberno central. Deixou claro que a súa posición cinguirase a trasladar as peticións deste colectivo "sen vender motos".
Ao remate do encontro, a Subdelegación do Goberno fixo público un comunicado no que Abel Losada fixo unha alusión velada a Ana Pastor, antiga ministra de Fomento cando empezaron as obras do primeiro tramo da autovía entre Marcón (Pontevedra) e Figueirido (Vilaboa). Recordou que hai representantes políticas en exercicio que no pasado tiveron responsabilidades moi directas sobre a A-57 e dicían que Pontevedra non podía seguir sendo a única capital española sen circunvalación e que "hoxe, xa fóra do goberno, fan preguntas en ton crítico sobre esta infraestrutura".
Xusto a semana pasada, Ana Pastor, actualmente deputada do PP, presentou unha iniciativa no Congreso para trasladar ao Goberno central as demandas dos veciños de Bora e Xeve para que se modifique o trazado. Preguntou ao Ministerio de Transportes, antigo Fomento, polas "actuacións que ten previsto levar a cabo para atender esas demandas e atopar un trazado menos lesivo".
Na reunión tamén estiveron presentes os concelleiros do PSOE en Pontevedra Iván Puentes e Marcos Rey e as persoas afectadas lembraron o recente acordo plenario unánime alcanzado no Concello de Pontevedra para solicitar que se re estude este trazado.
A veciñanza tamén defendeu a priorización da prolongación da A-57 ata O Confurco para garantir a conectividade coa Meseta e Portugal.
A plataforma fixo público un comunicado no que explican que trasladaron a Abel Losada as afeccións do trazado actual, "moi lesivo para as parroquias de Bora e Xeve" e que el se comprometeu a trasladar as súas demandas ao Goberno e a facer chegar á plataforma as novidades relativas á tramitación da infraestrutura.
Os portavoces dos veciños agradecen a Losada o seu tempo e disposición e "esperan que se busque o ben común para as parroquias de Xeve e Bora que non merecen ser divididas por unha autovía que non resolverá os problemas de tráfico de Pontevedra nin exercerá a función de circunvalación e que destruirá 6.000 metros cadrados de Rede Natura no río Lérez".
Relacionadas:
-
Comeza a campaña 'Salva o río Lérez. Stop A-57' para acadar 9.500 euros que freen o tramo A Ermida-Pilarteiros
Por Mónica Patxot & Anxo Lourido |
-
A veciñanza de Vilaboa traslada as súas peticións para mellorar na canalización das augas pluviais da A-57
Por Redacción |
-
Apoio unánime do pleno da Deputación para buscar un trazado con menos impacto para a A-57
Por Oskar Viéitez & Mónica Patxot |
-
Un centenar de persoas pasean polo monte para difundir o patrimonio natural que "arrasará" a autovía A-57
Por Oskar Viéitez |
-
Pontevedra pide estudar "alternativas" para que a A-57 sexa "menos lesiva" en Xeve e Bora
Por Alejandro Espiño & Mónica Patxot |
-
Os nenos de Xeve e Bora escriben aos Reis Magos: "El regalo más bonito es que no hagan la A-57"
Por Natalia Puga |
-
"Non pedimos un cambio de trazado, pedimos que se desbote por completo a autovía A-57"
Por Oskar Viéitez & Mónica Patxot |
-
A plataforma contra a autovía A-57 reúnese co vicepresidente da Deputación
Por Oskar Viéitez |
-
Afectados da A-57 e persoal municipal trasladan as protestas a un pleno con referencias á "fruta" de Díaz Ayuso
Por Mónica Patxot & Anxo Lourido |
-
Bora e Xeve, contra a A-57: "Non somos dous afectados, somos moitos"
Por Alejandro Espiño |