A Lomba ditará sentenza para UD Ourense e Arosa na primeira eliminatoria polo ascenso (0-0)
Por Redacción
Empate sen goles para UD Ourense e Arosa no choque de ida da primeira eliminatoria polo ascenso a Segunda RFEF disputado este luns no estadio do Couto, na Cidade das Burgas.
Despois dun choque vibrante, con algunha ocasión clara e tamén con polémica, non chegou o gol e todo se decidirá na Lomba o vindeiro domingo 6 de maio (20.45 horas). O empate valeralle aos de Luisito para avanzar no play-off.
O cadro arlequinado, iso si, soubo sufrir no Couto nun encontro marcado por unha calorosa xornada, aínda que as xogadas de perigo tardaron en producirse.
Pasada a media hora de xogo Champi tivo unha clara para a UD Ourense, pero o seu disparo marchou desviado. Tamén gozou doutra opción Rojo, aguantando a presión o equipo arosista.
Superado ese momento os de Luisito tamén puideron levar o partido, sobre todo á hora de xogo cando Sylla encarou a Ramón e foi derrubado polo porteiro no límite da área. O colexiado entendeu que se dirixía cara a un costado e mostrou a amarela, cando os de Vilagarcía pedían a expulsión. O gardameta sacou despois un perigoso lanzamento de falta.
Tamén Manu Táboas estivo acertado, e mesmo a madeira axudou a que o marcardor non se movese, polo que todo queda no aire para finais desta mesma semana. Vén outro duelo de emocións fortes.
Relacionadas:
-
Adeus á fase de ascenso para o Arosa no asalto definitivo ante o Villalbés (1-2)
Por Almu Dapena |
-
Primeiro asalto nulo na eliminatoria de play-off de ascenso entre Racing Villalbés e Arousa (1-1)
Por Redacción |
-
Cun Iñaki estelar, segue adiante o Arosa na loita polo ascenso ao eliminar ao UD Ourense (3-0)
Por Ramiro Espiño |
-
A Lomba lucirá o ambiente das grandes galas para recibir o Ourense
Por Redacción |
-
Suspenden dúas semanas o presidente do Arosa por entrar no vestiario arbitral con "menosprezo ou desconsideración"
Por Diego Espiño |
-
O Arosa inicia este luns no Couto a carreira polo ascenso a Segunda Federación
Por Redacción |
-
UD Ourense, primeiro escollo do Arosa nunha fase de ascenso de tres eliminatorias
Por Manu Otero |
-
O Arosa xogará a fase polo ascenso a Segunda Federación tras a derrota en Vilalba (2-1)
Por Redacción |