Teresa Abelleira inicia oficialmente a súa etapa como xogadora do Real Madrid
Por Diego Espiño
Probablemente non fose o seu primeiro día soñado, xa que non se produciu unha presentación individual das fichaxes e o anuncio chegou case ao tapado, coincidindo cun partido do primeiro equipo masculino, pero iso non resta importancia ao paso adiante que supón para a súa carreira.
Teresa Abelleira é xa oficialmente xogadora do recentemente creado Real Madrid, equipo que absorbeu e ocupado a praza na Primeira División do Tacón e que conta co respaldo dun dos clubs con máis recursos do planeta.
A futbolista pontevedresa pasou este luns o recoñecemento médico xunto ao resto do novo persoal madridista no Hospital Universitario Sanitas La Moraleja. É o seu primeiro acto coa camiseta do Real Madrid, ao que chega tras destacar no Deportivo e ser unha das revelacións da tempada na súa estrea na máxima categoría.
"Grazas por confiar en min para esta nova aventura. Chego con moitas ganas de empezar a traballar para seguir crecendo e con moita ilusión no que está por vir", sinalou Tere en redes sociais despois de facerse oficial a súa fichaxe.
GRACIAS @realmadridfem por confiar en mi para esta nueva aventura. Llego con muchas ganas de empezar a trabajar para seguir creciendo y con mucha ilusión en lo que está por venir. pic.twitter.com/BtBa2iL2Ya
— Teresa Abelleira (@teresabelleira) July 13, 2020
Internacional en categorías inferiores e sinalada como unha das grandes promesas do balompé nacional Abelleira é un dos oito fichaxes do conxunto branco, que aspira a crecer para situarse entre os mellores equipos da liga. Así, xunto a ela asinaron polo equipo da capital xogadoras como Misa Rodríguez, Maite Oroz, Marta Cardona, Corredera, Ivana Andrés, Olga Carmona e Kenti Robles.
Co anuncio do inicio da pretempada e os pertinentes recoñecementos o Real Madrid puxo en marcha o seu proxecto sénior feminino, que estará dirixido desde o banco por David Aznar e contará con 22 futbolistas en nómina.
Relacionadas:
-
Tere Abelleira, "feliz de seguir dous anos máis no Real Madrid"
Por Diego Espiño |
-
O orgullo de "ter en Pontevedra unha xogadora de alto nivel" como Tere Abelleira
Por Diego Espiño |
-
Teresa Abelleira, premiada como futbolista revelación da tempada
Por Redacción |
-
Teresa Abelleira debuta coa selección absoluta na goleada a Moldavia (10-0)
Por Almu Dapena |
-
Terceira convocatoria internacional consecutiva para Tere Abelleira, que aínda non debutou con España
Por Manu Otero |
-
Teresa Abelleira repite convocatoria coa Selección Española á espera do seu debut
Por Redacción |
-
Tere Abelleira, tras os seus primeiros días na Selección Española Absoluta: "Estar aquí es un sueño cumplido"
Por Diego Espiño |
-
Teresa Abelleira estréase nunha convocatoria da Selección Española Absoluta
Por Diego Espiño |
-
Tere Abelleira despídese do Deportivo: "Teño a sensación de volver a marchar de casa, de volver deixar a miña cidade"
Por Redacción |
-
Tere Abelleira esfolla a margarida da súa renovación co Deportivo
Por Redacción |
-
Teresa Abelleira repite na lista da Selección Española Sub-20
Por Redacción |
-
Teresa Abelleira estréase na Selección Española Sub-20
Por Redacción |
-
A España de Teresa Abelleira cae en semifinais do Europeo Sub-19
Por Redacción |