O azul do Teucro contaxia á selección arxentina de balonmán
Por Redacción
A Selección Arxentina de balonmán non perde de vista as evolucións do Condes de Albarei Teucro na Liga Asobal.
Así o demostrou o seleccionador nacional absoluto do país suramericano, o español Manolo Cadeas, ao convocar a Andrés Moyano para a próxima edición do Torneo Catro Nacións, que se celebrará a finais de mes en Brasil.
O lateral teucrista foi incluído na lista de 17 xogadores que participarán nesta competición, con partidos o 27 de outubro ante Chile, o día 28 ante Uruguai e o 29 ante a anfitrioa, Brasil. Ademais o combinado arxentino disputará dous encontros amigables os días 25 e 26.
Ademais de Moyano, a Selección Arxentina contará con dous vellos coñecidos da afección pontevedresa, o pivote Gonzalo Carró e o gardameta Juan Bar.
YOAN BALÁZQUEZ, MÁXIMO GOLEADOR DE ASOBAL
O bo inicio de tempada do Condes de Albarei Teucro está a deixarse notar na Asobal, con nomes propios como o de Yoan Balázquez.
O lateral cubano está a ser unha das sensacións da competición ata o momento, encabezando despois de cinco xornadas a lista de máximos goleadores da liga con 39 tantos, sumando unha media de 7,8 por partido.
Balázquez sumou 32 deses goles con lanzamentos desde os 9 metros, demostrando a potencia do seu brazo dereito e cunha importante porcentaxe de acerto do 63% desde esta distancia.
Relacionadas:
-
Non dá opción o Condes de Albarei Teucro ao Agustinos e segue adiante na Copa do Rei (31-38)
Por Redacción |
-
Alacante espera a un Condes de Albarei Teucro que pon o 'modo Copa'
Por Diego Espiño |
-
Duro correctivo do Huesca (34-23) a un Condes de Albarei Teucro a remolque, que se afunde ao final
Por Redacción |
-
O Condes de Albarei Teucro viaxa a Huesca "cos pés no chan"
Por Diego Espiño |
-
Balázquez imponse no duelo de "cañoneiros" e o Teucro gústase ante Puerto Sagunto (36-28)
Por Ramiro Espiño & Diego Torrado |
-
A fortuna dá as costas a un gran Condes de Albarei Teucro fronte ao Granollers (26-27)
Por Ramiro Espiño & Diego Torrado |