A Gimnástica logra en Burgos a permanencia na División de Honra de atletismo
Por Redacción
Obxectivo cumprido. O equipo masculino da Sociedad Gimnástica seguirá un ano máis na elite do atletismo nacional.
Os mozos do club pontevedrés víronse abocados a loitar pola continuidade na División de Honra na xornada final pola permanencia celebrada este sábado en Burgos.
Na localidade castelá os atletas do club pontevedrés estiveron a bo nivel finalizando, entre oito equipos, na terceira posición con 103 puntos, só superados por Gropompleo Pamplona (109 puntos) e Atletismo Numantino (108).
A nivel individual os representantes da Gimnástica lograron tres vitorias parciais, as de David Costas no 400, Lysvanys Pérez en altura e Davd Ferrer en lonxitude.
Estas actuacións sumadas ás do resto do equipo fan que o club poida pensar xa na que será a súa duodécima tempada na máxima categoría.
O EQUIPO FEMININO, NA FINAL DE PRIMEIRA DIVISIÓN
Tamén en Burgos competiu o equipo feminino da Gimnástica, no seu caso na final polo título da Primeira División, unha vez conseguido pola vía rápida o principal obxectivo do curso, a permanencia.
Na xornada final as pontevedresas ocuparon o oitavo e último lugar con 43 puntos, o que non embaza a súa gran competición.
Relacionadas:
-
Unha medalla e tres postos de finalista para a Gimnástica no Nacional Junior de atletismo
Por Redacción |
-
Paula de la Torre, bronce no Campionato de España Cadete de atletismo
Por Redacción |
-
Boa actuación dos xuvenís da Gimnástica en Xetafe
Por Redacción |
-
Alberto Salcedo, atleta da Gimnástica: "hai detalles que che din que este club é diferente"
Por Diego Espiño |
-
Ramón Touza: "creo que o futuro da Gimnástica está ben encamiñado"
Por Diego Espiño & Mónica Patxot |
-
O Galego de Probas Combinadas péchase no CGTD con 10 medallas para a Gimnástica
Por Redacción & Diego Torrado |
-
O equipo feminino da Gimnástica pelexará polo ascenso a División de Honra
Por Redacción |