Paula de la Torre, bronce no Campionato de España Cadete de atletismo
Por Redacción
Satisfacción na Sociedad Gimnástica polo resutado dos seus atletas no recente Campionato de España Cadete celebrado en Murcia.
O club pontevedrés sumou unha medalla na competición, o bronce logrado por Paula de la Torre nos 1.000 metros lisos despois dun emocionante sprint na final desta distancia.
Paula conseguiu a súa mellor marca persoal cun tempo de 2:56.87, quedando a só cinco centésimas da medalla de prata. Na mesma proba Blanca Armenteros foi undécima na final, á que chegara tamén tras conseguir o seu record persoal (3:03.66).
Outro deportistas que rebaixou sensiblemente o seu mellor rexistro foi Hugo Soto nos 3.000 metros, ao correr ata 9 segundos máis rápido que a súa anterior marca e entrar en meta cun tempo de 9:15.87.
Pola súa banda Raúl Cortizo foi quinto no salto de altura (1,81 metros), Pablo Boleas décimo noveno nos 300 valos e Ainhoa Vázquez vixésima nos 3 quilómetros marcha completando o papel da Gimnástica na competición.
Relacionadas:
-
Xornada de gran atletismo no CGTD co Campionato Galego Absoluto
Por Redacción & Diego Torrado |
-
Unha medalla e tres postos de finalista para a Gimnástica no Nacional Junior de atletismo
Por Redacción |
-
Boa actuación dos xuvenís da Gimnástica en Xetafe
Por Redacción |
-
A Gimnástica logra en Burgos a permanencia na División de Honra de atletismo
Por Redacción |
-
O Galego de Probas Combinadas péchase no CGTD con 10 medallas para a Gimnástica
Por Redacción & Diego Torrado |