Unha medalla e tres postos de finalista para a Gimnástica no Nacional Junior de atletismo
Por Redacción
Satisfacción na Sociedad Gimnástica polo bo rendemento dos seus atletas no Campionato de España Junior de atletismo celebrado durante a fin de semana na localidade catalá de Granollers.
Os deportistas do club pontevedrés conseguiron unha medalla e tres postos de finalista nas diferentes probas, destacando o bronce de Andrea González no lanzamento de xavelina.
Andrea mellorou sensiblemente a súa marca no último dos lanzamentos para terminar con 39.16 metros e facerse coa terceira praza. Cuarta na mesma proba foi Claudia Puig, cun mellor lanzamento de 36.94 metros.
Ademais Claudia Puig due décima no disco (31.94 metros) e Andrea González sétima no peso (10.87 metros). Outra atleta que ocupou posto de finalista foi Xiana González ao ser quinta nos 200 metros lisos (25.23 segundos en clasificatorias e 25.70 na final).
Tiveron menos fortuna nas súas actuacións os repsentantes masculinos da Gimnástica. Ángel Vargas non logrou entrar nas finais dos 200 e os 400 metros lisos (22.94 segundos e 53.30 segundos respectivamente), do mesmo xeito que Fernando Rial no 1.500 (4:17.54), mentres Alfredo González tivo que abandonar nos 3.000 obstáculos por problemas físicos.
Relacionadas:
-
Okutu revalida en Barcelona o seu título de campión de España de salto de lonxitude
Por Redacción |
-
Xornada de gran atletismo no CGTD co Campionato Galego Absoluto
Por Redacción & Diego Torrado |
-
Paula de la Torre, bronce no Campionato de España Cadete de atletismo
Por Redacción |
-
Boa actuación dos xuvenís da Gimnástica en Xetafe
Por Redacción |
-
A Gimnástica logra en Burgos a permanencia na División de Honra de atletismo
Por Redacción |