Acudir ou non ao mercado de fichaxes, velaí a cuestión
Por Diego Espiño
A poucos días de que abra o mercado invernal de fichaxes, o vindeiro luns 2 de xaneiro, o Pontevedra estuda se reforzar ou non ao equipo para afrontar a segunda volta da competición, na que tentará defender a súa posición de privilexio entre os catro primeiros da liga.
Desde que caeu lesionado de gravidade Iker Alegre, o responsable deportivo do club, Roberto Feáns, recoñeceu sondar o mercado por se xurdía algunha opción interesante, aínda que naquel momento decidiuse apostar pola recuperación do atacante, que empeza a afrontar agora a fase final da súa recuperación, tras sufrir unha rotura do ligamento cruzado do seu xeonllo.
O club só conta na actualidade cunha ficha libre no seu primeiro plantel, para un futbolista en idade sub-23, polo que se pretende incorporar un xogador senior debería dar algunha baixa.
A boa marcha do equipo, cuarto clasificado con 37 puntos, e a satisfacción que mostrou Luisito co rendemento dos xogadores fai pouco probable que haxa moitos movementos no mes de xaneiro, unha situación que só cambiaría se algún futbolista pide ao técnico e ao club a súa baixa, pero iso polo momento non se produciu.
Outro dos asuntos que debe solucionar a dirección técnica durante estas datas é a contratación dun adestrador para o filial de Primeira Rexional, tras a destitución de Santi Mariño ante a mala serie de resultados que atravesa o equipo, penúltimo clasificado.
Relacionadas:
-
RADIO.- Luisito aposta por dar continuidade o plantel e non acudir ao mercado de fichaxes
Por Diego Espiño |
-
Contra o Guijuelo e a gripe no primeiro partido do ano
Por Diego Espiño |
-
Un Pontevedra de dúas caras empata co Compostela na Estrada (3-3)
Por Redacción |
-
Os xogadores do Pontevedra empezan a baixar o turrón
Por Diego Espiño |
-
Volta ao traballo dun Pontevedra que corre o escalafón para cubrir a baixa no banco do filial
Por Ramiro Espiño |
-
O Pontevedra disputará un amigable ante o Compostela para preparar a súa volta á competición
Por Redacción |
-
Os excesos en Nadal teñen castigo no Pontevedra
Por Diego Espiño |
-
Á décima non puido ser e o Caudal evita a "volta perfecta" do Pontevedra en Pasarón (0-0)
Por Ramiro Espiño & Diego Torrado |