Reto de altura para un Arxil pendente do estado físico de varias xogadoras
Por Redacción
Cun obxectivo traballa o Club Baloncesto Arxil esta semana, o de recuperar definitivamente ás xogadoras que arrastran problemas físicos antes de enfrontarse a un reto de altura.
Tras aprazar o seu choque ante o Cortegada e ver lastrado o seu rendemento ante o Ibaizábal, encaixando a súa segunda derrota da tempada, as verdes esperan recuperar o seu mellor nivel para visitar a cancha do líder imbatido da Liga Feminina 2, o Aros León (sábado, 19:00 horas).
Necesitará Mayte Méndez ás súas mellores xogadoras para plantar cara ás leonesas. Por exemplo a Waleska Pérez, que segundo Lino Vázquez, coordinador do club, estivo a pasada xornada "ao 25%" de rendemento, ou Ana Román, que xunto a Carla Fernández xogou "ao 50%" das súas posibilidades.
Foron algunhas das claves do apagamento ofensivo tras o descanso, con 20 minutos nos que apenas anotou 9 puntos, a pesar de que se mantivo un bo nivel defensivo.
Desde o club verde esperan chegar ao sábado sen baixas e coas súas xogadoras finalmente en mellores condicións que as mostradas durante as últimas semanas.
Relacionadas:
-
O Arxil cae en León tras aguantar ao líder ata o último cuarto (71-53)
Por Redacción |
-
O Arxil, elixido como representación dos clubs de Liga Feminina 2
Por Redacción |
-
Duro correctivo do GDKO Ibaizabal a un Arxil irrecoñecible (45-66)
Por Redacción |
-
Un Arxil tocado aínda polas baixas recibe un perigoso Ibaizabal
Por Redacción |
-
Aprazado o Cortegada-Arxil polas lesións que arrastra o plantel pontevedrés
Por Diego Espiño |