Aprazado o Cortegada-Arxil polas lesións que arrastra o plantel pontevedrés
Por Diego Espiño
O derbi provincial da Liga Feminina 2 entre Cortegada e Arxil, previsto para este sábado 12 de novembro no pavillón de Fontecarmoa, foi aprazado polos problemas físicos que arrastra boa parte do plantel pontevedrés.
Cinco xogadoras do equipo verde tiñan moi complicado chegar á cita en condicións de xogar, polo que o Arxil solicitou a suspensión ao Cortegada e á Federación Española de Baloncesto, que aprobou este venres o cambio de data.
Lino Vázquez: "El Cortegada se ha portado como un club señor"
"El Cortegada se ha portado como un club señor", recoñece o directivo arxilista Lino Vázquez.
Aínda que desde o corpo técnico esperábase recuperar á maioría de xogadoras, finalmente a evolución non foi a desexada.
Waleska Pérez conta cun forte golpe na espada que non só lle impide adestrar, senón tamén durmir con normalidade, Ana Román recupérase dunha rotura de fibras, Carla Fernández sofre unha escordadura e Maria Lago arrastra problemas no ombreiro. Ademais Ana Martín, aínda que reapareceu a pasada xornada, non está plenamente recuperada se lesión.
Ante esta situación, e co beneplácito da Federación, o partido entre Cortegada e Arxil xogarase finalmente o xoves 8 de decembro ás 12:00 horas.
Relacionadas:
-
O Arxil, elixido como representación dos clubs de Liga Feminina 2
Por Redacción |
-
Reto de altura para un Arxil pendente do estado físico de varias xogadoras
Por Redacción |
-
Duro correctivo do GDKO Ibaizabal a un Arxil irrecoñecible (45-66)
Por Redacción |
-
Un Arxil tocado aínda polas baixas recibe un perigoso Ibaizabal
Por Redacción |
-
Un derbi nas alturas da Liga Feminina 2
Por Redacción |
-
O Arxil segue imparable e vence con solvencia ao Celta (77-66)
Por Redacción |