Pablo Dapena estará na Gran Final das Series Mundiais de tríatlon, en Cozumel
Por Diego Espiño
Non estaba nos seus plans pero o seu sobresaliente final de tempada abriulle as portas dunha das probas máis importantes do calendario internacional.
Pablo Dapena competirá o próximo 18 de setembro na Gran Final das Series Mundiais de tríatlon, na localidade mexicana de Cozumel.
O seleccionador nacional decidiu chamar ao triatleta pontevedrés, bronce hai poucos días no Campionato de España, para apoiar a Mario Mola, que buscará na Gran Final o título mundial.
A misión de Dapena será a de axudar ao seu compañeiro de selección na natación e principalmente no sector ciclista, tentando evitar que se repita o panorama de carreira dos Xogos Olímpicos, cando os irmáns Brownlee fixeron un corte na primeira transición e marcaron distancia na bicicleta ante a falta de entendemento do grupo perseguidor.
Ademais de Pablo Dapena e Mario Mola, competirán na cita mexicana dentro do equipo nacional Fernando Alarza e Vicente Hernández.
A pesar da sorpresa e que non tiña pensado esta tempada participar neste tipo de probas en distancia olímpica, o deportista pontevedrés aceptou o reto porque é "una oportunidad única y muy difícil dejarla pasar", recoñeceu na súa conta de Twitter.
Una oportunidad única y muy difícil dejarla pasar. ``Ahora o nunca´´ #RoadToCozumel #WTSCozumel https://t.co/WiAcPix0tj
— Pablo Dapena Gonzale (@pablitopiny) 10 de septiembre de 2016
Relacionadas:
-
Pablo Dapena, testemuña en Cozumel dunha carreira histórica para o tríatlon nacional
Por Diego Espiño |
-
Pelexado vixésimo primeiro posto de Carmen Gómez no Mundial Junior de tríatlon
Por Redacción |
-
Bronce con sabor a ouro para Pablo Dapena no Campionato de España de Tríatlon
Por Redacción |
-
Pablo Dapena logra outro bo resultado na media distancia vencendo en Guadalajara
Por Redacción |
-
Pablo Dapena cóllelle o gusto ao tríatlon de media distancia e imponse no Valle de Buelna
Por Redacción |
-
Pablo Dapena acaba en segundo lugar no tríatlon de media distancia de Vitoria
Por Redacción |