Pablo Dapena cóllelle o gusto ao tríatlon de media distancia e imponse no Valle de Buelna
Por Redacción
O seu paso ao tríatlon de media distancia, tras abandonar a alta competición en distancia olímpica, está a deparar bos resultados para Pablo Dapena.
O triatleta pontevedrés está a collerlle o gusto á distancia e, se nunha das súas primeiras carreiras impúxose no Campionato Galego disputado en Sanxenxo, agora sumou o seu segundo triunfo en Cantabria.
Dapena proclamouse vencedor no Valle de Buelna ao completar os 1,9 quilómetros de natación, 80 quilómetros de ciclismo e os 21 quilómetros de carreira a pé cun tempo de 3 horas, 51 minutos e 3 segundos, con case 10 minutos de vantaxe sobre Alejandro Santamaría.
A estes resultados únese o segundo posto que conseguiu recentemente no tríatlon de Vitoria-Gasteiz.
Tras esta proba Pablo Dapena xa pensa nos retos que quedan por afrontar esta tempada, empezando polo tríatlon de media distancia de Guadalajara. Ademais participará no Campionato de España en distancia olímpica de Banyoles.
Relacionadas:
-
Pablo Dapena estará na Gran Final das Series Mundiais de tríatlon, en Cozumel
Por Diego Espiño |
-
Bronce con sabor a ouro para Pablo Dapena no Campionato de España de Tríatlon
Por Redacción |
-
Pablo Dapena logra outro bo resultado na media distancia vencendo en Guadalajara
Por Redacción |
-
Pablo Dapena acaba en segundo lugar no tríatlon de media distancia de Vitoria
Por Redacción |
-
Pablo Dapena e Sonia Pariente triunfan no primeiro 113 Swim Ride Run
Por Diego Torrado |