Pelexado vixésimo primeiro posto de Carmen Gómez no Mundial Junior de tríatlon
Por Redacción
Gran papel do tríatlon galego no Campionato do Mundo Junior celebrado este venres na localidade mexicana de Cozumel.
Alí estaba a pontevedresa Carmen Gómez e a súa compañeira de equipo no Tríatlon Ferrol Inés Santiago, que pelexou polo bronce ata os instantes finais entrando en meta en cuarta posición.
Carmen acabou no posto 21, penalizada polo segmento da natación, do que saíu a 44 segundos da cabeza non podendo integrarse nos grupos principais do tramo ciclista.
Ao chegar á segunda transición a pontevedresa marchaba a dous minutos da líder da carreira, pero non se rendeu e remontou posicións na carreira a pé nun pelexado final, acabando cun tempo de 1:01:55.
A vencedora do campionato, celebrado en distancia sprint, foi a estadounidense Taylor Knibb.