Un Pontevedra sen ganas despide a pretemporada con derrota en Moaña (2-0)
Por Redacción
Sen tensión nin intensidade, o Pontevedra despide a pretemporada cun mal partido que lle custa a derrota fronte a un Moaña motivado que soubo aproveitar as súas ocasións e que xogou case toda a segunda parte en superioridade, ao ser expulsado o dianteiro visitante, Mario Barco, por dobre amoestación, ao protestar as decisións arbitrais.
Luisito non quixo arriscar a falta dunha semana para comezar a liga e presentou un equipo de circunstancias, no que faltaban a maior parte dos homes que se supón deben levar o peso do equipo no debut ligueiro. Iso deixouse notar nun Moaña ambicioso, que puxo máis ganas e apenas permitiu que os granates creasen perigo ante a súa meta.
O equipo local adiantouse na primeira parte (minuto 35), ao transformar Darío un penalti cometido por Bruno.
Tras o descanso, a temperá expulsión de Mario Barco fixo máis complicada a reacción visitante. Os granates tentábano sen demasiado éxito nin tampouco bo xogo, ata que o Moaña aproveitou o adiantamento de liñas pontevedrés para sentenciar o resultado ao seu favor nun contraataque finalizado por Rober.
CD MOAÑA (2): Ángel; Darío, Agus, Toni, Javi, Berto, Álex Cubas, Pingui, Rober, Borja e Darío González. Tamén xogaron: Hugo, Suso, Pol, Fito, Omar e Yelko.
PONTEVEDRA CF (0): Edu; Adrián, Bruno, Brais, Álex Fernández, Gonzalo, Miki, Mouriño, Mario Barco, Jacobo e Álex González. Tamén xogaron: Miguel, Lezcano, Wadir e Añón.
Árbitro: Millán Fernández (Pontevedra). Expulsou ao xogador visitante Mario Barco (minuto 50) por dobre amarela.
Goles: (1-0) Minuto 35: Darío, de penalti. (2-0) Minuto 70: Rober.
Incidencias: Campo de O Casal (Moaña). Uns 150 espectadores.
Relacionadas:
-
Guijuelo, punto de partida para a tempada granate
Por Diego Espiño |
-
Kevin Presa "se queda en el Pontevedra" tras renovar o seu contrato para as dúas próximas tempadas
Por Diego Espiño |
-
O xeonllo de Iker Alegre, principal preocupación ante o debut ligueiro en Guijuelo
Por Diego Espiño |
-
Mateu Ferrer, o 'home gol' elixido polo Pontevedra
Por Redacción |
-
Kevin Presa con pé e medio fora do Pontevedra
Por Ramiro Espiño |
-
O Lugo leva un entretido Luís Otero (3-4) fronte un Pontevedra que deixa grandes detalles e merece máis
Por Ramiro Espiño & Cristina Saiz |