O xeonllo de Iker Alegre, principal preocupación ante o debut ligueiro en Guijuelo
Por Diego Espiño
A poucos días de que comece a liga, cun desprazamento a Guijuelo (domingo 21 ás 18:00 horas), Luisito segue pensando en que once inicial aliñará.
Nel non estará, case con total seguridade, un dos que apuntaban a fixos na aliñación, Iker Alegre, debido ás molestias que arrastra no xeonllo desde o Trofeo Luís Otero ante o Lugo.
O golpe sufrido nese choque impediulle adestrar con normalidade no inicio de semana, polo que se decidiu realizarlle unha resonancia magnética este xoves para descartar unha doenza grave. As primeiras valoracións non apuntan a unha lesión importante, pero a súa presenza no debut ligueiro do equipo é pouco probable.
O que non estará seguro é o dianteiro Mario Barco, que arrastra unha sanción da pasada campaña, cando militaba no Somozas e foi expulsado na última xornada da liga regular. Pola contra Capi mellorou das molestias que padecía e traballa xa co grupo.
KEVIN PRESA, DISPOÑIBLE
O caso de Kevin Presa segue sendo o culebrón do verán, pero o futbolista granate segue dentro da disciplina do equipo e dende o club aseguran que pode mesmo entrar na convocatoria para Guijuelo. Con todo as negociacións cos clubs interesados no centrocampista continúan abertas.
OFRENDA E COMIDA DE INICIO DE TEMPADA
Este mércores o primeiro plantel do Pontevedra, xunto a corpo técnico e membros do Consello de Administración, protagonizaron a tradicional ofrenda á Virxe Peregrina que dá comezo oficial á tempada. Tras o acto trasladáronse ao Hotel Campaniola para gozar dunha comida de grupo.
Relacionadas:
-
Chegar e bicar o santo: Mateu Ferrer consegue o gol do empate do Pontevedra en Guijuelo (1-1)
Por Redacción |
-
Guijuelo, punto de partida para a tempada granate
Por Diego Espiño |
-
Mario Barco e Mateu Ferrer, unha parella de dianteiros que promete "ilusión y trabajo"
Por Diego Espiño |
-
Kevin Presa "se queda en el Pontevedra" tras renovar o seu contrato para as dúas próximas tempadas
Por Diego Espiño |
-
Un Pontevedra sen ganas despide a pretemporada con derrota en Moaña (2-0)
Por Redacción |
-
Mateu Ferrer, o 'home gol' elixido polo Pontevedra
Por Redacción |
-
O Lugo leva un entretido Luís Otero (3-4) fronte un Pontevedra que deixa grandes detalles e merece máis
Por Ramiro Espiño & Cristina Saiz |