Primeira vitoria do ano para Lucía Vázquez ao impoñerse na cita inicial do Superprestigio MTB
Por Redacción
Lucía Vázquez impúxose na primeira cita do Superprestigio MTB Caja Rural disputada na localidade navarra de Arguedas, no que supón a súa primeira vitoria individual da tempada.
A biker de Vilaboa vístese así de líder do certame, puntuable para o ránking UCI de Cross Country Olímpico.
"Foi unha carreira tranquila", recoñeceu Lucía, que aínda que participou cun arrefriado marcou a pauta desde o inicio cun ritmo que os seus rivais non puideron seguir.
"Sabía que se inicialmente collía distancia despois podería ir regulando e centrada en evitar problemas mecánicos e caídas", asegurou a ciclista pontevedresa, que estreaba a súa condición de mellor española no ránking UCI.
A pesar de sufrir unha pequena caída Lucía Vázquez chegou a meta con case tres minutos e medio de vantaxe sobre Aurea Ruiz (Bicihuerta), segunda clasificada, e en case catro sobre a terceira, Olatz Odriozola (Bizikleta).
A próxima cita do Superprestigio MTB se disputarña a mediados de abril en Arnedo. Antes, a deportista de Vilaboa participará na terceira carreira da Taça de Portugal, onde defende título.
Relacionadas:
-
Problemas respiratorios limitan o rendemento de Lucía Vázquez en Cataluña
Por Redacción |
-
Triunfo en Arnedo para Lucía Vázquez e liderado no Superprestigio MTB
Por Redacción |
-
Lucía Vázquez ascende ao liderado en Portugal
Por Redacción |
-
Primeiro podio da tempada para Lucía Vázquez
Por Redacción |
-
Debut sen fortuna para Lucía Vázquez no Open de España de BTT
Por Redacción |