Debut sen fortuna para Lucía Vázquez no Open de España de BTT
Por Redacción
Non empezou con bo pé Lucía Vázquez (Maiatos-Reabnorte) a súa defensa do título no Open de España de Cross Country Olímpico (XCO), ao asinar un oitavo posto nos Internacionais de Chelva, en Valencia, primeira cita puntuable.
A biker de Vilaboa cruzou a liña de meta a 6 minutos e 43 segundos da vencedora, a suíza Katrin Leumann (Rienn), que marchou en solitario na primeira volta do circuíto e avantaxou en 1:55 a Paula Gorycka (Airbike) e en 2:03 a Chiara Teocchi (Bianchi).
A proba, ao ser a única nacional de categoría C1, contaba cun gran nivel de participación. De feito a mellor ciclista nacional e primeira líder do Open de España é Sandra Santanyes (MMR-Powerade), que foi quinta na xeral a 3:12 da vencedora.
Segunda do Open é Rocío Martín (Primaflor Orbea), sétima en Chelva, mentres Lucía Vázquez sitúase na terceira posición.
A Internacionais Cidade de Valladolid serán a segunda cita do Open de España o vindeiro domingo 20 de marzo.
Relacionadas:
-
Lucía Vázquez ascende ao liderado en Portugal
Por Redacción |
-
Primeira vitoria do ano para Lucía Vázquez ao impoñerse na cita inicial do Superprestigio MTB
Por Redacción |
-
Primeiro podio da tempada para Lucía Vázquez
Por Redacción |
-
Lucía Vázquez inicia en Valencia a súa defensa do Open de España
Por Redacción |
-
Chipre, punto de partida do ambicioso calendario internacional de Lucía Vázquez
Por Redacción |
-
Lucía Vázquez estrea equipo en Portugal coa súa primeira competición BTT do ano
Por Redacción |