Risco de suspensión no Pontevedra-Racing de Ferrol
Por Diego Espiño
Preocupación no Pontevedra Club de Fútbol polo estado do céspede do Estadio Municipal de Pasarón a dous días do derbi autonómico (domingo, 17:00 horas) ante o Racing de Ferrol.
As intensas choivas dos últimos días provocaron a inundación dunha das esquinas do terreo de xogo, concretamente a de Tribuna co Fondo Norte, ademais de presentar o céspede charcos en diferentes lugares.
Este panorama, unido ás malas previsións climatolóxicas para toda a fin de semana, con alerta amarela por choiva durante o sábado e precipitacións tamén durante o domingo, poñen en risco a disputa do partido.
Con todo a decisión corresponderá ao trío arbitral, que decidirá o mesmo día do partido coa esperanza de que as choivas sexan de menos intensidade e permitan disputar o choque.
A inundación dunha das esquinas do campo é unha situación recorrente desde a reforma do estadio, provocando en 2012 a suspensión dun encontro de Terceira División ante o Villalonga. De feito requiriuse no seu momento á empresa construtora a instalación dun desaugadoiro perimetral que a día de hoxe segue sen existir.
Relacionadas:
-
Os agasallos defensivos e a impotencia atacante condenan ao Pontevedra (0-3) fronte un serio Racing de Ferrol
Por Ramiro Espiño & Diego Torrado |
-
Contra o líder e os elementos na visita do Racing de Ferrol a Pasarón
Por Diego Espiño |
-
Sen acordo entre o Pontevedra e Milo Abelleira no segundo dos xuízos polo seu despedimento
Por Diego Espiño |
-
Pontevedra e Racing, pendentes da enfermaría
Por Diego Espiño |
-
Unha dose de realismo
Por Diego Espiño |
-
Naufraxio dun Pontevedra despistado e sen fútbol (3-0) ante un Compostela máis intenso
Por Diego Espiño & Ramiro Espiño |