O Natación Galaico renuncia ao Nacional Infantil e Junior por "non ter o respaldo económico do Concello"
Por Diego Espiño
Polémica aberta entre o goberno local e un dos clubs da cidade con maior número de deportistas federados, o Club Natación Galaico.
Segundo explicou a entidade deportiva a través dun comunicado, o desencontro tivo como consecuencia a perda dun Campionato de España que fora concedido a Pontevedra, o Nacional Infantil e Junior 2016 que se ía a celebrar na piscina olímpica de Pontemuiños entre os días 24 e 28 de febreiro.
A decisión do club tómase ao "non ter respaldo económico do Concello de Pontevedra", a pesar de que a xunta directiva presidida por José Miguel Cano asegura que contaban cun compromiso previo do Concello, tras un primeiro contacto coa concelleira de Deportes, Anxos Riveiro.
Unha vez cursada a petición oficial para organizar o campionato o acalde, segundo a versión do Galaico, chamou ao presidente da Federación Española de Natación "para manifestar a súa negativa para apoiar economicamente devandito evento".
Chegado ese punto o mandatario do club deportivo solicitou explicacións ao rexedor, respondendo este "que mentres non se solucionase o problema co Waterpolo e coa Fundación non ía apoiar ningún campionato", sinala no comunicado a directiva do Galaico, que lamenta a repercusión económica que o evento podía ter.
Segundo as súas estimacións, estaba prevista a participación de preto de 600 deportistas na cita "acompañados dos seus respectivos familiares". Pontevedra xa organizou o mesmo campionato en 2014.
ELECCIÓNS NO CLUB NATACIÓN GALAICO
Na última asemblea de socios do Club Natación Galaico, ademais de votar en contra de volver unirse co club de waterpolo, convocáronse eleccións para que os socios elixan á xunta directiva que dirixirá a identidade durante os próximos catro anos.
Relacionadas:
-
O PSOE insta ao Concello a asinar un novo convenio con Rías do Sur
Por Redacción |
-
O Galaico acode con nove nadadores ao Campionato de España Infantil e Junior
Por Redacción |
-
O Waterpolo Galaico volve á piscina olímpica ao alcanzar un acordo con Supera
Por Diego Espiño |
-
Lores avisa que "non colaboraremos directamente" con Rías do Sur ata resolver o conflito coa piscina
Por Alejandro Espiño |
-
Rías do Sur defende que non dispón "a día de hoxe de capacidade" para acoller máis clubs en Pontemuiños
Por Redacción |
-
Anxos Riveiro responde ao Natación Galaico: " A piscina olímpica non pode quedar reducida a un coto privado"
Por Diego Espiño |
-
Bronce para Bea Gómez e notable papel de Águeda Cons e Paula Goyanes no Nacional de Piscina Curta
Por Diego Espiño |
-
O Natación Galaico, mellor club do Campionato Galego de Longa Distancia
Por Diego Torrado |