Bronce para Bea Gómez e notable papel de Águeda Cons e Paula Goyanes no Nacional de Piscina Curta
Por Diego Espiño
Bo papel do Club Natación Galaico no Campionato de España de Inverno celebrado durante a fin de semana na piscina do CN Santa Olaya de Xixón.
O club pontevedrés pechou os tres días de competición moi satisfeito coas marcas dos seus nadadores, especialmente pola progresión dos mozos.
No resultado global destaca a medalla de bronce lograda por Bea Gómez Cortés o venres nos 1.500 libre, cunha marca de 15:56.42, só superada por Mireira Belmonte e Marís Vilas, unha proba na que Águeda Cons foi oitava (16:29.96) e Paula Goyanes décima (16:40.88).
A marca de Águeda no 1.500, de repetila en piscina de 50 metros, valeríalle para clasificarse para probas internacionais durante a tempada.
Se a medalla de Bea foi a cara máis positiva do campionato, a negativa protagonizouna tamén a nadadora olímpica, ao ter que renunciar a competir sábado e domingo por problemas físicos, ao verse afectada por dores de cabeza. Antes, na primeira xornada, tamén fora quinta nos 200 libre (1:59.08).
Pola súa banda Paula Goyanes completou a súa notable actuación cun undécimo posto nos 400 estilos (4:51.88) e un décimo sexto nos 400 libre (4:17.27), mentres Águeda Cons foi décimo quinta nos 800 libre (8:47.29) e decimonovena nos 400 libre (4:18.27).
Ademais Daniel Sánchez bateu a mellor marca galega dun nandador de 17 anos nos 100 costas, cun tempo de 56.93.
Tamén participaron no Nacional de Piscina Curta Iria García (400 e 800 libre), Nuria Erselle (100 e 200 costas), Lara Gómez Cortés (200 bolboreta e 1.500 libre) e Juan David Hernández (200 braza).
Relacionadas:
-
Bea Gómez busca a clasificación olímpica en Sabadell sen marxe para o erro
Por Diego Espiño |
-
O Euro Meet de Luxemburgo, primeira cita de nivel do ano para Bea Gómez
Por Diego Espiño |
-
A natación galega cítase en Pontemuiños por Nadal
Por Redacción |
-
O Natación Galaico renuncia ao Nacional Infantil e Junior por "non ter o respaldo económico do Concello"
Por Diego Espiño |
-
Primeiro test internacional da tempada olímpica para Bea Gómez na Amsterdam Swim Cup
Por Redacción |
-
Bea Gómez e o Galaico, ante a primeira gran competición da tempada
Por Redacción |
-
O Natación Galaico, mellor club do Campionato Galego de Longa Distancia
Por Diego Torrado |