Rías do Sur defende que non dispón "a día de hoxe de capacidade" para acoller máis clubs en Pontemuiños
Por Redacción
Primeiro o Natación Galaico denunciou que a falta de apoio do Concello provocara a perda dun campionato de España, despois foi o goberno local o que respondeu as críticas defendendo a súa postura, sinalando a falta de espazo para os adestramentos do Waterpolo Galaico na piscina olímpica de Pontemuiños, e agora a Fundación Rías do Sur, por alusións, foi a última en saír á palestra.
A través dun comunicado, tras sinalar o Concello a responsabilidade da Fundación, Rías do Sur quixo desvincularse da polémica xerada asegurando "que non se opón, senón que alenta, ao uso da instalación por outros clubs e deportistas".
Con todo a Fundación matiza que actualmente a dispoñibilidade de auga e instalacións na piscina olímpica de Pontemuiños "atópase limitada polo contrato coa empresa concesionaria", polo que resulta imposible ao seu xuízo admitir ao Waterpolo Galaico Pontevedra por risco a "prexudicar o rendemento da instalación, usuarios e deportistas".
No comunicado tamén aclara a súa "neutralidade" no conflito aberto entre ambos os clubs e "que non ten obxección algunha á reintegración da masa social do Club Waterpolo no seo do club do que formaron parte, o Club Natación Galaico, nin ao uso das súas instalacións para a práctica deportiva do waterpolo", sempre que este uso prodúzase "con cargo ás dispoñibilidades que corresponden ao propio Club Natación Galaico en virtude do convenio existente con este".
Rías do Sur defende tamén que "non é propietaria" do club de natación, un dos cinco integrantes do padroado que dirixe a Fundación, no que supón un paso máis nunha polémica que vén de longo e que, a tenor do visto nos últimos días, non ten visos de solucionarse nun curto espazo de tempo.
Relacionadas:
-
O PSOE insta ao Concello a asinar un novo convenio con Rías do Sur
Por Redacción |
-
O Waterpolo Galaico volve á piscina olímpica ao alcanzar un acordo con Supera
Por Diego Espiño |
-
Lores avisa que "non colaboraremos directamente" con Rías do Sur ata resolver o conflito coa piscina
Por Alejandro Espiño |
-
Anxos Riveiro responde ao Natación Galaico: " A piscina olímpica non pode quedar reducida a un coto privado"
Por Diego Espiño |
-
O Natación Galaico renuncia ao Nacional Infantil e Junior por "non ter o respaldo económico do Concello"
Por Diego Espiño |