Louzán, optimista ante as eleccións á presidencia da Federación Galega de Fútbol
Por Diego Espiño
O proceso electoral á presidencia da Federación Galega de Fútbol entra nas súas horas finais con dous candidatos ao posto de máximo responsable autonómico deste deporte, o actual dirixente José García Liñares e Rafael Louzán.
O presidente da Deputación de Pontevedra móstrase optimista ante as eleccións, nas que espera impoñerse convencido de que é necesario un cambio na dirección federativa do deporte con maior número de licenzas na Comunidade.
Segundo Louzán as preto de 100.000 fichas do fútbol afeccionado e de base "teñen que sentir que vai haber unha federación diferente, transparente e sobre todo cercana. Estamos ante a oportunidade de que gañe un cambio, outra maneira de traballar".
Dende ambas as dúas candidaturas aseguran ter o voto de polo menos 76 asambleistas, os necesarios para lograr a presidencia, polo que a pelexa nas urnas se prevé moi disputada.
A votación celebrarase ás 21:00 horas do xoves no Hotel Puerta del Camino de Santiago de Compostela, poñendo fin así a un proceso electoral que estivo marcado polas acusacións de amaño no voto por correo no caso de Liñares e a resposta deste acusando a Louzán de usar a Deputación na súa campaña.
Relacionadas:
-
Rafael Louzán xa é presidente da Federación Galega de Fútbol
Por Ramiro Espiño | Creada e actualizada
-
Os socialistas denuncian que o presidente da Deputación utiliza o seu cargo para facer campaña na Federación Galega de Fútbol
Por Redacción |
-
Rafael Louzán confirma a súa candidatura á presidencia da Federación Galega de Fútbol
Por Alejandro Espiño |
-
Louzán sopesa presentarse á presidencia da Federación Galega de Fútbol
Por Redacción |