A Escola Naval homenaxea a un alumno falecido hai 60 anos no Buraco do Inferno
Por Oskar Viéitez
A Escola Naval Militar de Marín conmemorou este luns o 60 Aniversario do falecemento do guardiamarina José Luis Herrero Paadín.
Morreu o 18 de outubro de 1963 durante o transcurso duns exercicios de adestramento topográfico ao escorregar dentro do espazo coñecido como o Buraco do Inferno. A cruz que se atopa á beira da greta é en memoria deste fatal incidente.
O acto conmemorativo, presidido polo comandante-director da Escola Naval de Marín, Pedro Cardona e ao que asistiron unha representación oficiais e alumnos desta academia militar, levou a cabo na Illa de Ons, xunto ao Buraco do Inferno.
Nun breve e emotivo acto de homenaxe os asistentes entoaron o toque de oración, seguido do rezo dun responso en honra ao guardiamarina Herrero.
Finalmente, os dous alumnos máis veteranos da Escola depositaron unha coroa de flores no lugar en que se produciu a caída do guardiamarina.