25N | Concentración para gañarlle ao machismo en Soutomaior
Por Redacción
O deporte foi o punto central neste 25N no Concello de Soutomaior baixo o lema "Gañémoslle ao machismo". Este sábado na Alameda de Tallo Río realizábase unha concentración en contra das violencias machistas.
Gardábase un minuto de silencio e, a continuación, Rosana Martínez, concelleira de Igualdade, lembraba que esta data é un día de memoria e reparación.
Durante a súa intervención avogou por construír o "Soutomaior Feminista que queremos" en defensa dunha sociedade igualitaria.
Marga Ríos, xogadora da Asociación Deportiva Tenis & Padel de Soutomaior, e Mia Wan Zalimy, kickboxer local, foron as deportistas encargadas de dar lectura ao manifesto.
Ambas lembraron que desde 2003 foron asasinadas 1.235 mulleres como vítimas de violencia machista en España e 25 entre os meses de xullo e setembro deste ano.
As deportistas sinalaron que no seu ámbito sempre teñen que loitar polos seus dereitos sen que se lles ceda a máis mínima concesión e sen recibir os recoñecementos necesarios. Pidieroon que se deixe de invisibilizar os comportamentos machistas que só buscan impedir eses recoñecementos dos éxitos das mulleres e que se evite xustificar o trato diferencial de patrocinadores que afirman que o deporte feminino "non interesa e non é rendible".
Despois da lectura, o dúo Cinta Adhesiva protagonizaba un espectáculo poético a cargo de Silvia Penas e Jesús Andrés Tejada. Durante a tarde, a compañía A Panadaría ofrece a súa obre 'As que limpan' a partir das 20.30 horas no Multiusos de Arcade.
O 1 de decembro está prevista a presentación do libro 'Bambú', de Isabel Blanco, a partir das 19.30 horas, cun coloquio posterior, dentro dos actos organizados con motivo do 25N.
Relacionadas:
-
25N | Rueda demanda en Soutomaior "tolerancia cero" no acto institucional do Día contra a Violencia de Xénero
Por Redacción |
-
Un faladoiro sobre a muller no deporte, punto de partida do 25N en Soutomaior
Por Redacción |
-
'Gañémoslle ao machismo', lema de Soutomaior para o 25N coa idea de romper co heteropatriarcado no deporte
Por Redacción |