Escolares de Poio pintan e decoran as Aldeas de Nadal
Por Redacción
Alumnado de todos os centros escolares do municipo suman unha semana de traballo nas casas de madeira que serán utilizadas nas Aldeas de Nadal durante as próximas datas festivas.
Os escolares realizan o pintado e a decoración destes elementos que serán situados en puntos referenciales de todas as parroquias.
En Raxó está prevista a instalación dunha Aldea de Nadal no exterior do centro cultural Xaime Illa; tamén no adro de San Salvador; na praza da Granxa, en Campelo; na Praza da Chousa, en Combarro; e no parque de Lourido.
O Concello de Poio apostou pola participación de empresas do municipio, coa colaboración de carpinteiros que crearon as casas e tamén de empresas de xardinería, que montaron os decorados exteriores. Agora son os escolares os encargados de adornar estes espazos.
"Quixemos contar con todos para devolver a ilusión por estas festas, pero tamén nun intento para dinamizar o comercio e a hostalaría cun concello máis atractivo e con programación para veciños e visitantes", manifestou Ángel Moldes, rexedor de Poio, durante a súa visita ao CEIP de Viñas este xoves coa concelleira de Cultura e Educación, Natalia Sabarís.
O alcalde insiste na necesidade de converter as parroquias en lugares de encontro durante estas datas.
Está prevista a instalación da carpa na Seca o venres 22 de decembro dentro da programación de Nadal en Poio con actividades e talleres para escolares.
Relacionadas:
-
Máis de 300 persoas acompañarán a comitiva dos Reis Magos na cabalgata de Poio
Por Redacción |
-
O BNG fala de "apagón de Nadal" no rural en Poio e pide transparencia ao goberno local
Por Redacción | Creada e actualizada
-
Esta é toda a programación de Nadal do Concello de Poio
Por Oskar Viéitez |
-
Reveladas as cinco gañadoras do concurso de tarxetas de Nadal de Poio
Por Redacción |
-
Poio contará cun roupeiro municipal para axudar ás familias con dificultades
Por Redacción |
-
En marcha a campaña "Ningunha crianza sen xoguete" do Concello de Poio
Por Redacción |
-
Poio aposta por unha programación de Nadal "pensado para devolver a ilusión por estas festas"
Por Redacción |