Poio aposta por unha programación de Nadal "pensado para devolver a ilusión por estas festas"
Por Redacción
Un Nadal diferente, participativo e que dea vida a lugares emblemáticos e representativos de Poio. Así explica o Concello os plans que ten en mente para a programación do Nadal.
"Non queremos entrar nunha competición por ver quen coloca máis bombillas. Queremos ofrecer aos nosos veciños e visitantes algo máis, apostamos por un contido diferente. Unhas aldeas que se converterán en punto de encontro durante o Nadal para nenos e maiores, con actividades e programación para todos", explicou o alcalde, Ángel Moldes.
Estas aldeas, que se inaugurarán o 2 de decembro, incluirán decorados, iluminación e actividades específicas e itinerantes en cada unha delas ao longo das festas.
Estarán situadas na contorna dos muíños de Samieira, no parque de Lourido, no Atrio de San Salvador, na Praza da Chousa de Combarro, en Raxó, na Praza da Granxa de Campelo e na contorna de la Iglesia de San Martiño.
Ademais está previsto habilitar un tren turístico que conectará todas as aldeas do Nadal.
Por outra banda desde o 22 de decembro colocarase na Seca unha carpa con propostas lúdicas e zona de xogos.
A participación dos veciños será outro dos puntos importantes da programación, xa que tal e como explica o alcalde "queremos contar coas asociacións, cos colectivos... queremos que este sexa o Nadal de todos e para todos". De feito, avanza, os decorados que se elaborarán serán obra de carpinteiros locais e serán pintadas e adornadas por escolares do municipio.
A programación completa de Nadal, sinala Moldes, darase a coñecer nas próximas semanas.
Relacionadas:
-
Poio métese de cheo nunhas festas do Nadal "de todos e para todos"
Por Redacción |
-
Esta é toda a programación de Nadal do Concello de Poio
Por Oskar Viéitez |
-
Reveladas as cinco gañadoras do concurso de tarxetas de Nadal de Poio
Por Redacción |
-
Escolares de Poio pintan e decoran as Aldeas de Nadal
Por Redacción |
-
Poio contará cun roupeiro municipal para axudar ás familias con dificultades
Por Redacción |
-
Abertas as inscricións para participar na andaina benéfica 'Ruta dos Pobos'
Por Redacción |
-
En marcha a campaña "Ningunha crianza sen xoguete" do Concello de Poio
Por Redacción |
-
O Concello de Poio baixa un 5% o imposto de circulación e a taxa dos vaos
Por Oskar Viéitez |
-
O goberno local destaca o aforro no custo desta edición da Festa do Mar de Combarro
Por Oskar Viéitez |