A Policía Local denuncia tres condutores en só seis horas por conducir borrachos ou drogados
Por Natalia Puga
A Policía Local de Pontevedra denunciou o pasado luns, con tan só seis horas de diferencia, tres condutores que levaban un vehículo pola cidade baixo os efectos do alcohol e das drogas.
A primeira denuncia formulárona sobre as 17.30 horas no Camiño do Magueiro. Un condutor deu positivo nas probas de consumo de alcohol e drogas e, ademais, os axentes que o pararon para o control detectaron outra infracción.
Así, o home circulaba sen permiso. Tiña o carné caducado e, ademais, suspendéranllo no pasado e non realizara o curso de reeducación viaria necesario.
A segunda denuncia puxérona tres horas máis tarde, na rúa Pintor Laxeiro. Neste caso, o condutor deu positivo en consumo de drogas.
Tres horas máis tarde, ás 23.30, o denunciado foi un condutor dunha motocicleta que deu positivo en alcohol.
A Concellaría de Protección Cidadá, que dirixe Eva Vilaverde, lembra que a condución baixo a influencia de substancias altera a conduta e é unha das causas máis importantes da gravidade da sinistralidade viaria.
BICICLETA RECTIFICADA
Durante a xornada do luns, a actividade da Policía Local de Pontevedra foi intensa. Con ocasión da súa presenza na rúa María Victoria Moreno, denunciou o propietario dunha bicicleta presuntamente rectificada.
Segundo a información oficial facilitada, o ciclista levaba un kit de batería na roda dianteira cun acelerador controlado dende o guiador.
Relacionadas:
-
Unha condutora quintuplica a taxa de alcohol tras causar danos nunha árbore e en dous turismos estacionados
Por Redacción |
-
Prisión para oito detidos na operación 'Mar Rice' contra o narcotráfico
Por Oskar Viéitez |
-
Desarticulan un importante punto negro de venda de droga nun piso de Monte Porreiro
Por Natalia Puga |