Campelo vaino pasar de medo co seu Samaín
Por Redacción
O alcalde de Poio, Ángel Moldes e representantes da Asociación Arela presentaron a programación do Samaín que vivirá Campelo.
O sábado 21 ás 18:00 horas, no Local Social de Campelo, comezan os obradoiros de vaciado de calacús e de maquillaxe de terror.
Para o seguinte sábado, o día 28 de outubro, na carpa instalada na Praza da Capela, en Campelo, haberá animación, xogos, xincana do terror, baile dos esqueletes, photocall. O pregoeiro da festa será Rafa Cabeleira
Tamén está prevista a celebración dunha "Romería Zombie" a cargo de Nelson Quinteiro Produccións, do programa "Tornar as Táboas" da Deputación de Pontevedra. E tamén ás seis da tarde abrirá a cova dos Druidas.
Ás nove da noite comeza a "Corredoira do terror" previo ao espectáculo de lume que está programado para as 22.00 horas xunto coa "Performance Irrupciones Violentas", a cargo de Katharsis Espectáculos.
Media hora máis tarde dará inicio o VI Certame de degustación de Chulas de Cabaza. Ademáis haberá animación musical cun Dj. E entregaranse os premios: "Mamasiña que medo", "VI Certame de Chulas", "V Concurso de microrrelatos" e "Misterios de Kam".
Xa para o martes 31 ás 19 horas contaranse relatos de medo, no Local social de Campelo.
E a partir das 20 horas comeza o "Truco ou Trato", con saída polas rúas de Campelo dos nenas acompañados polas súas familias.