A reforma da PO-546, entre Mollavao e Os Praceres, licitarase antes de finais de ano
Por Redacción
Antes de finais de ano. É a data na que a Xunta de Galicia prevé licitar as obras de reforma da PO-546, a estrada vella a Marín, entre Mollavao e Os Praceres. O goberno galego estima que será necesario un investimento de máis de 6,8 millóns de euros.
O obxectivo desta actuación é transformar a estrada e mellorar a súa funcionalidade, orientándoa ao tránsito de peóns, de ciclistas e do transporte público.
O principal cambio en todo este ámbito será a execución dunha senda pola marxe dereita da PO-546, de 3,5 quilómetros de lonxitude e cun ancho que oscilará entre os 2,9 e os 4 metros, entre os puntos quilométricos 0+590 e 4+090.
Irá en paralelo á estrada salvo na travesía da Gandarela, onde deberá ir separada do vial debido á falla de espazo entre as construcións existentes.
Haberá unha nova glorieta na intersección de acceso ao Centro de Investigacións Forestais de Lourizán coa PO-546, coa finalidade de reducir a velocidade dos vehículos que acceden á travesía da Gandarela procedentes de Marín e mellorar a seguridade no acceso a este centro.
Esta glorieta tamén facilitará o cambio de sentido dos vehículos procedentes de Marín que queiran acceder ao futuro aparcadoiro disuasorio que a Xunta ten previsto executar na contorna do punto quilométrico 2+800 desta estrada, cun investimento de 500.000 euros.
Ademais, melloraranse as paradas de transporte público, favorecendo a mobilidade en autobús entre Marín e Pontevedra, e renovarase a iluminación no treito de actuación.
No proxecto aprobado recóllense tamén distintas estruturas que redundan na mobilidade sostible, como a execución de dúas pasarelas a distinto nivel da senda peonil, unha de máis de 120 metros sobre o rego de Louriñas, e a outra de 45 metros sobre O Sartán.
Tamén se executarán muros de sostemento, necesarios pola proximidade da vía do ferrocarril nalgunhas zonas, prolongando os xa existentes para poder lograr un ancho de senda adecuado e obter zonas amplas nas que se prevé a instalación dun parque infantil.
A intervención complétase coa dotación de zonas de esparexemento, destacando a habilitación dun miradoiro, no punto 1+050, aproveitando o espazo inutilizable na marxe dereita da calzada, cun pequeno parque infantil e zona verde que permita gozar das vistas da ría de Pontevedra.
Mellorarase, tamén, a parada de autobús situada no punto quilométrico 1+460, na marxe dereita da estrada, cunha zona de estacionamento para o autobús e un novo refuxio e, a petición dos veciños do Sartán, haberá unha nova zona de aparcadoiro en liña.
No proxecto inclúese tamén a renovación da rede de augas fecais entre os puntos quilométricos 3+800 e 4, mellorando deste xeito a drenaxe das augas pluviais.
Para executar este proxecto, a Xunta terá que expropiar 39 parcelas. O proceso xa está en marcha e se convocou, en novembro e decembro, aos titulares dos terreos necesarios para executar a senda entre Mollavao e Os Praceres.
O levantamento das actas previas á ocupación terá lugar o 21 e o 22 de novembro no Pazo da Cultura de Pontevedra; e a súa formalización, o 20 de decembro, no mesmo lugar.
Relacionadas:
-
As obras para dar forma á nova estrada PO-546, entre Mollavao e Os Praceres, comezarán en outono
Por Alejandro Espiño |
-
"Penúltimo paso" para o vial de Mollavao, só pendente de Costas para saír a licitación
Por Alejandro Espiño |
-
A reforma do primeiro treito da PO-546 en Estribela estará rematada en quince días
Por Alejandro Espiño & Mónica Patxot |
-
O DOG publica a convocatoria das expropiacións para executar a senda entre Mollavao e Os Praceres
Por Oskar Viéitez |
-
Montecelo e a reforma da PO-546, as apostas da Xunta para Pontevedra nos orzamentos para 2024
Por Alejandro Espiño |
-
Andainas de Outono, dúas rutas para coñecer a pé a riqueza ambiental de Marín
Por Oskar Viéitez |
-
COVSA construirá o aparcadoiro disuasorio de Lourizán por 304.000 euros
Por Redacción |
-
Doce ofertas para realizar as obras na senda Pontevedra-Marín e transformar a PO-546 en Estribela
Por Redacción |
-
A Xunta aproba o proxecto construtivo da estrada vella de Marín
Por Redacción |
-
A finais de 2024 será "unha realidade" a reformada estrada Pontevedra- Marín, para que "queden definitivamente unidos"
Por Natalia Puga & Mónica Patxot |