As camisetas verdes asolagan Pontevedra na quinta edición de 'Pontevedra en marcha contra o cancro'
Por Diego Espiño & Cristina Saiz
A quinta edición da marcha solidaria organizada pola Asociación Española Contra o Cancro (AECC) este domingo 8 de outubro en Pontevedra resultou todo un éxito de participación.
As camisetas verdes conmemorativas asolagaron o centro da Boa Vila con máis de 2.000 participantes, o límite máximo establecido nas inscricións, cun desexo conxunto, o de apoiar coa súa presenza proxectos de investigación coa meta de alcanzar o 70% de supervivencia no ano 2030.
A recadación da xornada de feito destinarase a fomentar estes proxectos, así como a financiar programas de prevención, atención psicolóxica e social a pacientes e familiares.
Foron en total 6.750 metros de percorrido a completar correndo, andando ou simplemente acompañando en parte os participantes, xa que o importante era colaborar nunha causa que une a todos.
A xornada completouna unha clase de zumba na Alameda poñendo a guinda a unha actividade que contou cun inmellorable ambiente. A causa merecíao.
Relacionadas:
-
"Tiña un vultiño no peito e pensaba que non era nada. Cando fun ao médico díxome: é un carcinoma. Foi un shock"
Por Anxo Lourido |
-
Presentada a quinta edición da marcha 'Pontevedra en marcha contra o cancro'
Por Redacción |
-
As mascotas tamén marcharán en Pontevedra contra o cancro
Por Redacción |
-
Abren as inscricións para a Marcha contra o cancro que será o 8 de outubro
Por Redacción |