Sanxenxo representará a España nas olimpíadas de maiores de Viana do Castelo
Por Redacción
Unha delegación de 27 maiores do programa de Actividade Física e Deporte para a terceira idade do Concello de Sanxenxo participarán os próximos 2, 3 e 4 de outubro nas olimpíadas deportivas de Viana do Castelo.
Desde hai xa varios anos, Sanxenxo forma parte dun proxecto da Comunidade Europea xunto á Universidade de Vigo, "In Common Sports", no que participan Portugal, Hungría, Italia, Bulgaria e España.
Sanxenxo representará a España nos xogos cos seus 27 deportistas.
Os xogos contemplan dúas grandes áreas, os xogos deportivos universais (voleibol, baloncesto, atletismo, fútbol e natación) e os xogos tradicionais (petanca, malla, corda).
Este ano, inclúen, por primeira vez, a modalidade de remo indoor.
O programa está financiado polo programa europeo Erasmus+ Deportes e coordinado pola Cámara Municipal de Vila Nova de Cerveira.