Corte de tráfico en Estribela polo avance das obras na PO-546
Por Redacción
O avance nas obras de renovación e transformación da estrada PO-546 ao seu paso pola parroquia pontevedresa de Estribela ocasionará o corte de tráfico da vía durante a noite deste próximo venres 28 de setembro.
En concreto, segundo informa o goberno autonómico, o corte farase efectivo entre as 22.30 horas do venres e as 6.00 horas da madrugada do sábado, o que permitirá colocar o voadizo necesario para ampliar as beirarrúas.
Durante o tempo que se prolongue o corte o tráfico rodado será desviado cara á estrada PO-11.
Ademais desta intervención a Xunta avanza tamén que nas próximas semanas producirase unha nova afectación ao tráfico nesta vía, aínda que se permitirá o tránsito por un carril contando con regulación por semáforo.
Segundo sinala a administración autonómica, a previsión é poder finalizar as obras da primeira fase de mellora na PO-546 a finais do mes de outubro, sempre que se non se acumulen atrasos por culpa da climatoloxía.
Relacionadas:
-
Doce ofertas para realizar as obras na senda Pontevedra-Marín e transformar a PO-546 en Estribela
Por Redacción |
-
A Xunta licita por máis de 405.000 euros as obras da PO-546 en Estribela
Por Redacción |
-
A finais de 2024 será "unha realidade" a reformada estrada Pontevedra- Marín, para que "queden definitivamente unidos"
Por Natalia Puga & Mónica Patxot |
-
Comeza a transformación integral da PO-546 en Estribela para que sexa máis segura para os peóns
Por Oskar Viéitez |