Último paso administrativo para a cesión á Consellería da parcela do novo centro de saúde de Barro
Por Redacción
Na noite do mércores celebrouse o primeiro Pleno ordinario deste mandato e que tivo como punto principal a aprobación do último paso administrativo para a cesión por parte do Concello de Barro á Consellería de Sanidade da parcela para a construción do novo Centro de Saúde.
Con este trámite, que foi aprobado cos votos a favor de BNG, PSOE e PP, e cos votos en contra de Xuntos, xa se poderá rexistrar a parcela a nome da Consellería de Sanidade, un paso fundamental para que a Xunta poida iniciar a construción da nova edificación.
A corporación tamén tivo seleccionar unha proposta para xuíza de paz substituta entre as dúas persoas que se presentaron. A proposta do goberno foi a da candidata que tiña un perfil académico máis axeitado e foi aprobada cos votos a favor de BNG, PSOE e PP, e coa abstención de Xuntos.
Este é un traballo non remunerado e que exercería unicamente no caso de que ocorrera algo coa xuíza de Paz titular que lle impedira exercer.
Relacionadas:
-
Compromiso adquirido para recuperar o servizo de Pediatría en Barro
Por Anxo Lourido |
-
A antiga central de Telefónica en Santo Antoniño xa é de propiedade municipal
Por Redacción |
-
Barro aproba o cambio da cuberta do pavillón e a compra do solar da antiga central de Telefónica
Por Redacción |
-
Asinan o convenio para a construción dun novo centro de saúde de Barro
Por Oskar Viéitez |
-
O Pleno de Barro dá luz verde ao convenio entre o Concello e a Xunta para a construción do novo centro de saúde
Por Redacción |