Paula Cajaraville, nova Fiscal Delegada de Violencia contra a Muller
Por Oskar Viéitez
O Boletín Oficial do Estado deste martes 26 de setembro de 2023 publica o nomeamento de Paula Cajaraville Leiro como nova Fiscal Delegada da especialidade de Violencia contra a Muller na Fiscalía Provincial de Pontevedra.
Esta praza de quedou vacante pola renuncia da anterior delegada ao ser nomeada Tenente Fiscal.
Para cubrilo o Fiscal Xefe da Fiscalía Provincial de Pontevedra comunicou a todos os membros do persoal que quen estivese interesado nesta delegación debía formular a correspondente solicitude, e así o fixeron Paula Cajaraville Leiro e Ángel Arjona Bernáldez, ambos presentaron o seu currículo e teñen "acreditada experiencia e formación" para asumir a delegación.
O Fiscal Xefe Provincial propuxo a Paula Cajaraville ao entender que nela "concorren determinadas circunstancias que a fan máis idónea". O Consello Fiscal informou en igual sentido.