Ferido de gravidade un veciño de Moraña nun accidente en Barro
Por Redacción
Un veciño de Moraña de 31 anos de idade resultou ferido de gravidade tras saírse da vía o vehículo que conducía cando circulaba pola estrada N-550 ao seu paso por Valiñas, no concello de Barro. O mozo saíu despedido pola xanela do turismo tras sufrir un forte impacto e presentaba diversos traumatismos. Foi trasladado ao Hospital Montecelo por unha ambulancia do 061.
Non foi o único accidente que se produciu no municipio de Barro, xa que arredor das 22.30 horas do domingo se rexistraba outro sinistro en Curro cando un vehículo envorcaba por causas aínda por determinar. Segundo o servizo de Emerxencias do 112 tamén se rexistraron feridos.