![](/web/cache/scene/uploads/fotos/foto/46a/_S7QytKoutjK3UsovKMnMzytWsi62MjawUqrKz891Lsov0DGzMN_/_AxNjDQSU7NK0kt0knKLynJz1WyrgUA_/6337e0cdeb-gpo2.jpg)
© Universidade de Vigo
A Boa Vila celebra a G-Night con paseos científicos e relatorios en bares
![Oskar](/web/cache/scene/uploads/xornalistas/foto/b40/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/573b7bbf54-perfil.jpg)
Por Oskar Viéitez
![](/web/cache/scene/uploads/fotos/foto/f54/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/6337e0b876-gpo1.jpg)
© Universidade de Vigo
A G-Night volverá encher de ciencia as rúas, museos e bares galegos o vindeiro 29 de setembro.
A terceira edición da Noite Galega das Persoas investigadoras contará con preto de 50 actividades de divulgación, lecer e entretemento científico baixo o lema ‘Conciencias Creativas’.
Os obradoiros, paseos, visitas guiadas, charlas e espectáculos gratuítos terán lugar nunha vintena de localizacións, espalladas polas sete principais cidades galegas: Pontevedra, Vigo, Ourense, Santiago, A Coruña, Ferrol e Lugo.
En Pontevedra, baixo título "Repensar a economía: desaprender para transformar", a cita será ás 19.00 horas na cervexería Nasa, da man de Ecobas e o PostGrowth Innovation Lab.
A idea é realizar obradoiros participativos que sinalen os límites e as oportunidades da economía nun mundo en crise para, a continuación, ás 20.30 horas, realizar un paseo investigador onde se empregará a cartografía participativa para identificar sementes doutro tipo de economía e de ciencia económica. Para esta actividade é preciso reservar praza.
Ademais, en Pontevedra, o Programa Universitario de Maiores ofrecerá un paseo científico polo río Gafos en horario de mañá, no que as persoas participantes terán a oportunidade de observar e diferenciar os diferentes liques que medran nas árbores e aprender sobre a súa importancia como bioindicadores. Esta saída terá unha duración de dúas horas cun límite de 20 prazas e é preciso rexistrarse para participar.
Relacionadas:
-
Un estudo sobre bioturbulencia na costa de Bueu, premio IG Nobel de física
Por Redacción |
-
Os militares da campaña antártica regresan a O Grove para prepararse nun terreo "muy similar" á Antártida
Por Alejandro Espiño |
-
Case 18 millóns para converter o Pazo de Lourizán nun "espazo de encontro" para o sector forestal
Por Alejandro Espiño |