Dúas probas deportivas obrigan a restrinxir o tráfico na contorna do Lérez durante a fin de semana
Por Redacción
Dúas probas deportivas que se celebrarán este sábado 16 e este domingo 17 de setembro levaron á Policía Local de Pontevedra a deseñar dispositivos especiais de tráfico e a adoptar medidas que supoñen restrinxir a circulación en distintos puntos da cidade, fundamentalmente, na contorna do río Lérez.
Este sábado 16 dispútase a proba deportiva 'I Travesía a Nado Río Lérez' e a avenida de Bos Aires permanecerá pechada no tramo comprendido entre a rúa Pozo e a Ponte das Verbas.
Estas limitacións de tráfico estarán activas entre as 14.00 e as 22.00 horas.
Este domingo 17 Pontevedra acolle a cuarta etapa da Volta Ciclista a Galicia, que ten a saída e a meta na cidade. Por este motivo, entre as 13.30 e as 13.30 horas haberá limitacións de circulación.
O itinerario da proba é A Ruibal, Rosalía de Castro, Manuel del Palacio, avenida de Marín, avenida de Corvaceiras, avenida de Uruguai, Galera e Arcebispo Malvar.
Nas avenidas de Marín, Corvaceiras e Uruguay, o peche será no sentido Marín cara ao centro cidade. Os cortes en Galera e Arcebispo Malvar tamén afectarán ás rúas que van dar a elas.
Relacionadas:
-
Pontevedra coroa a Nacho Cavia nunha Volta a Galicia que gañou Martín Rey
Por Almu Dapena |
-
Dous campións olímpicos de tríatlon apúntanse á I Travesía a Nado Río Lérez
Por Diego Espiño |
-
Presentada a etapa pontevedresa da Volta Galicia: "A selección vaise facer no Lago de Castiñeiras"
Por Diego Espiño |
-
Máis de 200 rexistrados para estrear a travesía a nado do Río Lérez
Por Diego Espiño |
-
Pontevedra será o punto final da XXI Volta Ciclista a Galicia
Por Redacción |
-
Unha travesía a nado polo río Lérez, aperitivo ás Series Mundiais de Tríatlon
Por Redacción |