Valle-Inclán xa non está tan manco
Por Oskar Viéitez
A escultura de Ramón María del Valle-Inclán, situada na Praza de Méndez Núñez, foi reparada este mércores.
A intervención foi na man dereita que se atopaba un pouco crebada como consecuencia do golpe dun vehículo.
O arranxo estivo supervisado en todo momento polo autor da obra, César Lombera, que lembrou que o pasado mes de xuño cumpríronse 20 anos da colocación deste icónico monumento.
A popular imaxe de broce do dramaturgo de "rostro español y quevedesco, de negra guedeja y luenga barba", como el mesmo definiuse, foi vítima dun novo incidente cun vehículo, nesta ocasión, cun camión de repartición.
Os contratempos desta escultura e especialmente da súa man dereita están a xerar tanta literatura como as historias que o propio Valle-Inclán inventou en vida para contar a perda do seu antebrazo esquerdo.
Esta extremidade superior non formou parte de ningún estofado nin tampouco lle mordeu un león como chegou a dicir Don Ramón senón que lle foi amputada por mor da ferida que lle causou o bastonazo propinado polo tamén escritor Manuel Bueno.
Foi no transcurso dunha acalorada discusión no madrileño Café de la Montaña en torno ao valor de españois e portugueses nunha disputa.