![](/web/cache/scene/uploads/fotos/foto/9fa/_S7QytKoutjK3UsovKMnMzytWsi62MgJyq/Lzc52L8gt0zCwMdI_/_wNDHSSU/NKUot0SvILlKxrAQ==_/64fb07e38f-20230908-patxot-ence-aenor-1647.jpg)
© Mónica Patxot
AENOR entrega un recoñecemento a Ence en Pontevedra por "20 anos de coidado do medioambiente"
![](/web/cache/scene/uploads/fotos/foto/117/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/64fb0807e5-20230908-patxot-ence-aenor-1641.jpg)
© Mónica Patxot
![](/web/cache/scene/uploads/fotos/foto/6c3/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/64fb07faec-20230908-patxot-ence-aenor-1642.jpg)
© Mónica Patxot
![](/web/cache/scene/uploads/fotos/foto/362/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/64fb07f414-20230908-patxot-ence-aenor-1645.jpg)
© Mónica Patxot
![](/web/cache/scene/uploads/fotos/foto/809/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/64fb07d8a0-20230908-patxot-ence-aenor-1648.jpg)
© Mónica Patxot
Ignacio Colmenares, presidente de Ence, recibía este venres o recoñecemento outorgado por AENOR (Asociación Española de Normalización e Certificación) nun acto que se celebraba na sede pontevedresa de Afundación.
Ao acto asistían diversas personalidades públicas encabezadas por Ángeles Vázquez, vicepresidenta segunda da Xunta de Galicia e conselleira de Medio Ambiente, que clausuraba o acto e evitaba realizar declaracións aos medios de comunicación.
Neste evento tamén se atopaba o CEO de AENOR, Rafael García Meiro; o director da Axencia Galega Forestal, Jacobo Aboal; o director xeral de Planificación e Ordenación Forestal, José Luis Chan; a deputada do PP por Pontevedra, Ana Pastor; o vicepresidente segundo da Deputación, Rafael Domínguez; e o delegado territorial da Xunta en Pontevedra, Agustín Reguera.
Ángeles Vázquez na clausura destacaba o apoio da Xunta a empresas como Ence que, segundo manifestou, aposta por un modelo de negocio sostible e compatible coa xeración de emprego e riqueza económica. Apuntou que o goberno da Xunta aposta e fomenta a "colaboración público-privada" no reto de mitigar o cambio climático.
Pola súa banda, Ignacio Colmenares recolleu o recoñecemento como un apoio á "aposta de Ence pola excelencia ambiental e do noso compromiso coa contorna".
O CEO de AENOR apuntou que "auditoría tras auditoría, apreciamos nos profesionais de ENCE unha orientación xenuína á mellora continua; sempre expondo novos retos que lles fagan ir máis aló. É o espírito dunha organización consciente de que a sociedade espera das compañías compromiso co coidado ambiental, demostrado con feitos como son a certificación pola entidade máis valorada".
Esta entidade avala a calidade da xestión e excelencia ambiental de Ence Pontevedra a través de diferentes certificados como o EMAS, que avala a súa boa Xestión Ambiental; o certificado Residuo Cero; o ISO 50001, á xestión eficiente da enerxía; o ISO 9001, á calidade de xestión nos procesos; e o ISO 14001, á eficiencia na xestión do medio e dos procesos da planta pasteira.
Desde a empresa indican que o coidado da entidade se reflicte na calidade do aire en Pontevedra ao superar a outras cidades da contorna e sitúase entre as mellores, segundo datos oficiais do Miteco. Tamén destaca a calidade da auga da ría de Pontevedra ao contar con bancos de marisqueo e 28 praias con bandeira azul.