Luis López responde ao PSOE: "Pasar dun goberno dogmático a oposición sectaria é non entender a mensaxe das urnas"
Por Anxo Lourido
Carlos Font, portavoz do grupo do PSOE na Deputación de Pontevedra, criticaba este xoves que a institución provincial se convirtira, ao seu entender, nunha "sucursal" da Xunta de Galicia controlada por Rueda "con mando a distancia".
A estas declaracións respondía este vernes Luis López, presidente da Deputación, insistindo en que o PSOE permanece en "estado de shock, de sorpresa", sen dixerir a perda do goberno da institución nos pasados comicios.
Explicou que os socialistas primeiro tentaron desafiuzalos da sede da Deputación en Vigo e que agora "tratan de xustificar a súa errática xestión das contas e o despilfarro ao que levaron esta casa nos primeiros cinco meses do ano, antes das eleccións".
"Entendo que pasar dun goberno dogmático a unha oposición sectaria é non entender a mensaxe das urnas", continou Luis López aclarando que o goberno actual do PP tentará seguir gobernando "pese a este legado preocupante" que, segundo argumentou, deixou o goberno bipartito do PSOE-BNG.
Apuntou que o traballo actual do goberno provincial se centra na cobertura das necesidades veciñais.
Por último, engadiu que a "plena autonomía" de goberno a lograron cos votos obtidos nas urnas, "iso que lle faltou ao PSOE para seguir gobernando na Deputación", insistiu para deixar claro que "non imos importar á Deputación o modelo de crispación que representa o señor Font no goberno de Vigo".
Relacionadas:
-
O PSOE reclamará no Pleno da Deputación que o PP renuncie a repartir fondos "a dedo" e continúe co Plan Concellos
Por Oskar Viéitez |
-
Os socialistas lamentan que a Deputación sexa unha "sucursal" da Xunta controlada por Rueda "con mando a distancia"
Por Redacción |
-
Haberá "cambios" no proxecto para Santa Clara, di Rafa Domínguez, que ve "muy escasos" os 21,5 millones previstos
Por Alejandro Espiño |
-
O PSOE pide "máis seriedade" ao presidente da Deputación á hora de avaliar a xestión do Goberno anterior
Por Redacción |
-
O presidente da Deputación critica a xestión "descontrolada" nos últimos meses do goberno de Carmela Silva
Por Oskar Viéitez |
-
Luís López anuncia un investimento de 130.000 euros para mellorar a Estación Fitopatolóxica de Areeiro
Por Redacción |