Xeve goza o seu segundo Verantroido
Por Redacción
Xeve viviu este sábado a segunda edición do seu Verantroido, o entroido de verán que organiza a asociación SondeXeve.
Unha festa coa que buscan fomentar a "unión entre parroquias", especialmente entre os 'tres Xeves': Santa María de Xeve, Santo André de Xeve e Verducido.
"Moitísima asistencia e diversión familiar e algo menos de noite", resumiu o presidente de SondeXeve, Manolo Hermida. "Confraternización e orgullo de ser de Xeve como un rural vivo", engadiu.
O Verantroido comezou ás 6 dá tarde nos arredores do antigo Concello de Xeve.
Os participantes na festa puideron divertirse gratuítamente cos inchables e o touro mecánico.
O Verantroido estivo amenizado por unha charanga e a música que picou o DJ Marcos Magán de Verbena FM. Ademais contou coa actuación do dúo Marema e a discomóvil Lagarto.
Houbo servizo de bar e bocadillos de salchicha e filloas realizadas polo propio colectivo SondeXeve.
Ademais, entre as persoas que acudiron disfrazadas a esta festa realizouse un sorteo de agasallos.